• Ni nde ufite agaciro kuruta abandi mu buzima bwawe?
    Umunara w’Umurinzi—2011 | 15 Gicurasi

    • 7, 8. Ni ibihe bigeragezo Yobu yahanganye na byo, kandi se kwihangana kwe kwagaragaje iki?

      7 Yehova yemereye Satani guteza Yobu ibyago byikurikiranyije (Yobu 1:12-19). Yobu yitwaye ate igihe ibyo byago byamugeragaho? Bibiliya ivuga ko “nta cyaha Yobu yakoze cyangwa ngo agire ikintu kidakwiriye aherereza ku Mana” (Yobu 1:22). Ariko Satani ntiyarekeye aho. Yakomeje kwitotomba ati “umubiri uhorerwa undi, kandi ibyo umuntu atunze byose yabitanga kugira ngo acungure ubugingo bwe” (Yobu 2:4).a Satani yumvikanishaga ko iyo Yobu aza kugerwaho n’ikintu kibabaza umubiri we, yari kubona ko Yehova atari we ufite agaciro kuruta abandi mu buzima bwe.

  • Ni nde ufite agaciro kuruta abandi mu buzima bwawe?
    Umunara w’Umurinzi—2011 | 15 Gicurasi

    • a Hari intiti mu bya Bibiliya zumva ko amagambo ngo “umubiri uhorerwa undi” ashobora kumvikanisha ko Yobu abitewe n’ubwikunde, yari kwemera gupfusha abana be n’amatungo ye, ariko we agakomeza kubaho. Abandi bo bumva ko ayo magambo atsindagiriza ko umuntu yakwemera gutakaza igice runaka cy’umubiri mu gihe byatuma arokora ubuzima bwe. Urugero, umuntu ashobora gukinga ukuboko kugira ngo batamukubita mu mutwe, bityo akemera gutakaza igice cy’umubiri kugira ngo arokore ubuzima bwe. Icyo ayo magambo yaba yarasobanuraga cyose, uko bigaragara yumvikanishaga ko Yobu yari kwemera guhara byose kugira ngo arokore ubuzima bwe.