-
Ni Nde Uzategeka Isi?Itondere Ubuhanuzi bwa Daniyeli!
-
-
Hanyuma, Kuro yaje kwitegura guhangana imbona nkubone n’igihangange Babuloni. Kandi kuva icyo gihe, yagize uruhare mu isohozwa ry’ubuhanuzi bwa Bibiliya. Binyuriye ku muhanuzi Yesaya, Yehova yari amaze igihe kingana hafi n’ibinyejana bibiri avuze izina rya Kuro, ko ari we mutegetsi wari kuzanesha Babuloni maze akabohora Abayahudi ku ngoyi. Uko gushyirwaho mbere y’igihe, ni ko Ibyanditswe bishingiraho byita Kuro ‘uwimitswe’ na Yehova.—Yesaya 44:26-28.
-
-
Ni Nde Uzategeka Isi?Itondere Ubuhanuzi bwa Daniyeli!
-
-
Ku Bayahudi bari bari i Babuloni, gutsinda kwa Kuro kwasobanuraga ko igihe bari barategereje kuva kera cyo kubohorwa bakavanwa mu bunyage cyari kigeze, kandi ko ibyo guhinduka umusaka kw’igihugu cyabo byari bimaze imyaka 70, byari birangiye. Mbega ukuntu bagomba kuba barishimye cyane igihe Kuro yatangaga itangazo ribaha uburenganzira bwo gusubira i Yerusalemu bakongera kubaka urusengero! Nanone kandi, Kuro yabashubije ibikoresho by’igiciro cyinshi byo mu rusengero Nebukadinezari yari yarazanye i Babuloni, abaha uburenganzira bwo kuvana ibiti muri Libani, kandi abemerera kubaha amafaranga yo mu nzu y’umwami yo kuzakoresha muri ubwo bwubatsi.—Ezira 1:1-11; 6:3-5.
-