• Ibyahishuwe bivuga ko bizagendekera bite abanzi b’Imana?
    Umunara w’Umurinzi (Igazeti yo kwigwa)—2022 | Gicurasi

    • ABANZI B’IMANA BARAMENYEKANYE

      Inyamaswa y’inkazi ifite imitwe irindwi ivugwa mu Byahishuwe, iva mu nyanja igereranya abantu. Ifite amahembe icumi n’amakamba icumi ari ku mitwe yayo. Nanone isa n’ingwe ikagira amajanja nk’ay’idubu n’umunwa nk’uw’intare.

      INYAMASWA Y’INKAZI IFITE IMITWE IRINDWI

      Izamuka “iva mu nyanja” kandi ifite imitwe irindwi, amahembe icumi n’amakamba icumi ku mahembe yayo. (Ibyah 13:1-4) Igereranya ubutegetsi bwose bwagiye butegeka abantu kugeza ubu. Imitwe irindwi igereranya ubutegetsi bw’ibihangange burindwi bwagiye butegeka uduce twarimo abagaragu b’Imana cyangwa bukabatoteza (Reba paragarafu ya 6-8)

       6. Inyamaswa y’inkazi ifite imitwe irindwi ivugwa mu Byahishuwe 13:1-4, igereranya iki?

      6 Inyamaswa y’inkazi ifite imitwe irindwi igereranya iki? (Soma mu Byahishuwe 13:1-4.) Tubonye ko iyo nyamaswa imeze nk’ingwe, ikagira amajanja nk’ay’idubu, umunwa nk’uw’intare n’amahembe icumi. Ibyo bintu byose biranga iyo nyamaswa y’inkazi, ni na byo biranga inyamaswa enye z’inkazi zivugwa muri Daniyeli igice cya 7. Icyakora iyo nyamaswa ivugwa mu gitabo k’Ibyahishuwe, ifite ibimenyetso byose biranga inyamaswa enye zivugwa mu gitabo cya Daniyeli. Ni yo mpamvu iyo nyamaswa, itagereranya ubutegetsi bumwe. Intumwa Yohana yavuze ko itegeka “abantu bo mu miryango yose n’amoko yose n’indimi zose n’amahanga yose.” Birumvikana ko iyo nyamaswa ifite ububasha buruta ubw’igihugu kimwe (Ibyah 13:7). Ubwo rero, iyo nyamaswa y’inkazi igereranya ubutegetsi bwose bwagiye butegeka abantu kugeza ubu.b—Umubw 8:9.