• Masalmo 143:1, 2
    Bhibhlya ya Dziko Ipswa

    • 143 Yahova, bveserani phembero yanga;+

      Bveserani kudembetera kwanga toera kuphemba ciphedzo.

      Nditawireni mwakubverana na kukhulupirika kwanu na ulungami wanu.

       2 Lekani kutonga ntumiki wanu,

      Thangwi mwa ale ali mʼmaso nkhabepo wakulungama pamaso panu.+

  • Izaiya 55:7
    Bhibhlya ya Dziko Ipswa

    •  7 Anyakucita pyakuipa mbasiye njira zawo,+

      Pontho anyakucita pyauphanga mbasiye manyerezero awo;

      Mbabwerere kuna Yahova, ule wakuti anaabvera ntsisi,+

      Mbabwerere kuna Mulungu wathu, wakuti anaalekerera na ntima onsene.+

  • Dhanyeli 9:18
    Bhibhlya ya Dziko Ipswa

    • 18 Mulungu wanga, bveserani, onani kufudzwa kudacitwa ife na kufudzwa kudacitwa nzinda unacemerwa na dzina yanu; ife tisakudembeterani, tayu thangwi tisacita pinthu pyakulungama, mbwenye thangwi ya ntsisi zanu zikulu.+

  • Aroma 3:20
    Bhibhlya ya Dziko Ipswa

    • 20 Natenepa, nkhabe munthu anafuna kudzaoniwa ninga wakulungama pamaso pace thangwi yakucita pinthu pinaphembwa na mwambo.+ Mbwenye mwambo usatiphedza toera kudzindikira kuti ndife anyakudawa.+

  • Tito 3:5
    Bhibhlya ya Dziko Ipswa

    • 5 iye atipulumusa, tayu thangwi ya mabasa akulungama adacita ife,+ mbwenye thangwi ya ntsisi zace.+ Iye atipulumusa pidatisambisa iye na madzi adatipasa umaso,+ mbaticitisa kukhala anthu apswa na ciphedzo ca nzimu wakucena.+