20 Ndingaapitisa mu dziko idadumbira ine toera kupasa ambuyawo,+ dziko ya nkaka na uci,+ angadya mpaka kukhuta mbakhala na umaso wadidi,+ iwo anadzaenda kuna alungu anango mbaatumikira, anadzandipwaza mbasiya kutoweza cibverano canga.+

13 Yahova apitiriza kucenjeza Izraeli na Yuda kubulukira kuna aprofeta ace onsene na anyakuona masomphenya ace onsene+ kuti: “Siyani njira zanu zakuipa!+ Bverani matongero anga na mitemo yanga mwakubverana na mwambo onsene udapereka ine kuna ambuyanu, udakupangani ine kubulukira kuna atumiki anga akuti ndi aprofeta.” 14 Mbwenye iwo nee abvera, pontho iwo apitiriza kukhala akudzikuza* ninga ambuyawo akuti nee apangiza cikhulupiro kuna Yahova Mulungu wawo.+

26 “Mbwenye iwo adzakhala akukhonda bvera, akusandukirani,+ mbapasira nkhodolo Mwambo wanu.* Iwo apha aprofeta anu akuti akhaacenjeza toera abwerere kuna imwe, pontho iwo acita pinthu pikulu pinapangiza kusowa cilemedzo.+