5 Cibisobiso ceneci nee cikhadapangizwa kuna anthu a mʼmidzidzi yakale ninga munapangizwa ico cincino kuna apostolo ace akucena na aprofeta ace kubulukira mu nzimu wakucena,+ 6 kuti mwakuphatana na Kristu Yezu, pontho kubulukira mu mphangwa zadidi, anthu a madzindza anango anakhalambo anyakutambira unthaka, mbakhala makhundu a manungo mabodzi ene,+ mbadikhirambo pikiro idacitirwa ife. 7 Ine ndadzakhala ntumiki wa cibisobiso ceneci thangwi ya kukoma ntima kukulu kwa Mulungu. Iye andipasa muoni* unoyu kubulukira mu mphambvu yace.+

32 Cibisobiso ici cakucena+ ndi cikulu. Cincino ine ndiri kulonga thangwi ya Kristu na mpingo.+