8 Ine munthu wangʼono kakamwe kupiringana munthu wangʼono pakati pa anthu onsene akucena,+ ndapangizwa kukoma ntima kukulu+ toera ndimwaze mphangwa zadidi kuna anthu a madzindza anango zinalonga pya mpfuma zakukhonda kulengeseka za Kristu, 9 pontho ndiphedze anthu onsene toera aone kuti Mulungu, ule adacita pinthu pyonsene asaphatisira tani cibisobiso cakucena+ cikhakoya iye mu pyaka pizinji.