13 Leka kuponderera ndzako,+ pontho leka kuba.+ Leka kukhala na kobiri ya nyabasa wako mbugona nayo mpaka mangwana mwace.+

14 “Leka kubera nyabasa wakusowa na wakutcerenga, mwakukhonda tsalakana khala ndi mʼbale wako peno munthu wa dziko inango anakhala mu dziko yanu, mʼmizinda yanu.+ 15 Usafunika kuntambirisa pa ntsiku ibodzi ene+ dzuwa mbidzati kudoka, thangwi iye ndi wakusowa, pontho umaso wace usanyindira pinafuna iye kutambira. Gopa iye anadzalira kuna Yahova thangwi ya iwe, iwe mbukhala na mulando wa madawo.+

5 “Ine ndinadzabwera toera kudzakutongani, ndinadzabwera mwakucimbiza kakamwe toera kutcunyusa mangʼanga,+ anyakucita upombo, anyakudumbira mwauthambi,+ ale anabera nyabasa,+ ale anabera nzice* na mwana waumphawi*+ na onsene anakhonda kuphedza munthu wa dziko inango.+ Anthu anewa nee asandigopa,” alonga Yahova wa anyankhondo.