Samweli Wakutoma

16 Mukupita kwa ndzidzi Yahova apanga Samweli: “Mpaka lini unapitiriza kutsukwala thangwi ya Sauli,+ ule adakhonda ine toera atonge ninga mambo wa Izraeli?+ Dzadza nyanga yako na mafuta+ toera uende. Ine ndinakutuma kuna Yese+ wa ku Bhetelehemu, thangwi ndasankhula mʼbodzi mwa anace amuna toera akhale mambo.”+ 2 Mbwenye Samweli alonga: “Ndinaenda tani? Thangwi Sauli angabva pyenepi anandipha.”+ Yahova atawira: “Kwata mwanangʼombe mbulonga: ‘Ndabwera kudzapereka ntsembe kuna Yahova.’ 3 Cemera Yese pa mbuto inafuna iwe kupereka ntsembe; buluka penepo ndinakudziwisa pinafunika iwe kucita. Iwe usafunika kudzodza munthu anafuna kukupangiza ine.”+

4 Samweli acita pidampanga Yahova. Pidafika iye ku Bhetelehemu,+ akulu a mu nzinda unoyu pidamuona iwo atetemera, mbalonga: “Kubwera kwanu ndi kwa ntendere?” 5 Natenepa iye atawira: “Inde ndi kwa ntendere. Ndabwera kudzapereka ntsembe kuna Yahova. Cenesekani, pontho tendeni pabodzi na ine toera tikapereke ntsembe.” Buluka penepo iye acenesa Yese pabodzi na anace amuna, pidamala iye aacemera pa mbuto ikhafuna iye kupereka ntsembe. 6 Pidafika iwo, iye aona Eliabhe+ mbalonga: “Mwandimomwene uyu ndi nyakudzodzwa wa Yahova.” 7 Mbwenye Yahova apanga Samweli: “Leka kutsalakana maonekero ace na kulapha kwace,+ thangwi ine ndanʼkhonda. Mulungu nkhabe kuona pinthu ninga munapionera munthu; munthu asaona pinthu pinaoneka na maso, mbwenye Yahova asaona muntima.”+ 8 Buluka penepo Yese acemera Abhinadhabhi+ mbaenda naye kuna Samweli, mbwenye Samweli alonga: “Unoyu nee asankhulwa na Yahova.” 9 Buluka penepo Yese abweresa Sama,+ mbwenye Samweli alonga: “Unoyu nee asankhulwa na Yahova.” 10 Yese akhadaendesa anace anomwe kuna Samweli, mbwenye Samweli apanga Yese: “Mwa ana anewa nkhabepo adasankhulwa na Yahova.”

11 Pakumalisa Samweli abvundza Yese: “Anako ndi anewa basi?” Iye atawira: “Alipo unango wangʼono,+ iye ali kukumbiza mabira.”+ Samweli apanga Yese: “Ncemerese, thangwi ife nee tinadya, iye mbadzati kufika pano.” 12 Natenepa iye ancemeresa. Akhali mʼphale wakubalika, pontho akhali na maso akubalika.+ Penepo Yahova alonga: “Ndi unoyu, nʼdzodze!”+ 13 Natenepa, Samweli akwata nyanga ya mafuta+ mbanʼdzodza pamaso pa abale ace. Kutomera ntsiku ineyi,+ nzimu wa Yahova watoma kupasa mphambvu Dhavidhi. Buluka penepo, Samweli alamuka mbaenda ku Rama.+

14 Nzimu wa Yahova wabuluka muna Sauli,+ pontho Yahova atawirisa kuti Sauli athabuswe na manyerezero akuipa.*+ 15 Sauli apangwa na anyabasa ace kuti: “Mbuya, Mulungu atawirisa kuti muthabuswe na manyerezero akuipa.* 16 Taphata miyendo mbuyathu, pangani anyabasa anu ali pano toera aende kasaka munthu wakuti asadziwa mwadidi kuimba arpa.+ Mulungu angatawirisa kuti muthabuswe na manyerezero akuipa,* munthu unoyu anadzaimba arpa, penepo imwe munadzakhala mwadidi.” 17 Natenepa, Sauli apanga anyabasa ace: “Ndaphata miyendo, ndisakireni munthu anadziwa mwadidi kuimba arpa, mbamubwera naye kuna ine.”

18 Mʼbodzi mwa anyabasa ace alonga: “Ine ndisadziwa mwana wa Yese wa ku Bhetelehemu wakuti asadziwa mwadidi kuimba arpa, pontho iye ndi nyankhondo wacipapo na wamphambvu.+ Iye asalonga mwadidi, ndi wakubalika,+ pontho Yahova ali na iye.”+ 19 Sauli atuma anthu toera akapange Yese kuti: “Nditumizire mwanako Dhavidhi, wakuti ndi nkumbizi.”+ 20 Natenepa, Yese akwata buru mbaipaka na mikate, budu ya nthembe yakuikhwa vinyu na mwanambuzi, mbapitumiza na mwanace akhacemerwa Dhavidhi, toera akapase Sauli. 21 Natenepa, Dhavidhi afika kuna Sauli, mbatoma kumʼphatira basa.+ Sauli akomerwa kakamwe na Dhavidhi, pontho iye adzakhala nyakunʼthukulira pida pya nkhondo. 22 Sauli atumiza mphangwa kuna Yese zakuti: “Ndaphata miyendo, siya Dhavidhi toera apitirize kundiphatira basa, thangwi ine ndakomerwa naye kakamwe.” 23 Mulungu angatawirisa kuti Sauli athabuswe na manyerezero akuipa,* Dhavidhi akhakwata arpa mbaimba, natenepa Sauli akhakhurudzika mbakhala mwadidi, pontho manyerezero akuipa akhabuluka muna iye.+