Masalmo

34 Ndzidzi onsene ndinasimba Yahova;

Ndinansimba na mulomo wanga kwenda na kwenda.

 2 Ine ndinadzapasa mbiri Yahova;+

Anthu akucepeseka anadzabva mbakomerwa.

 3 Lemedzani Yahova pabodzi na ine;+

Tendeni tonsene tipase mbiri dzina yace.

 5 Anyakutsandzaya ndi ale ananʼnyindira;

Pontho iwo nee anadzapaswa manyadzo.

 7 Anju wa Yahova asatsidzikiza anthu onsene ananʼgopa,+

Pontho iye asaapulumusa.+

 8 Yeserani, pontho onani kuti Yahova ndi wadidi;+

Nyakutsandzaya ndi munthu anathawira kuna iye.

 9 Gopani Yahova, imwe monsene munantumikira,*

Thangwi ale ananʼgopa nkhabe cinthu cinasowa iwo.+

10 Ngakhale nkhalamu zingʼono zakuwanga zisabvambo njala,

Mbwenye ale anasaka Yahova nkhabe kusowa nee cinthu cibodzi cadidi.+

11 Ananga, bwerani, ndibvesereni;

Ndinakupfundzisani kugopa Yahova.+

12 Pakati panu, mbani anakomerwa na umaso,

Mbafuna kuona ntsiku zizinji zadidi?*+

13 Khala ndi tenepo, tsidzikizani lirimi yanu ku pinthu pyakuipa,+

Pontho milomo yanu ikhonde kulonga uthambi.+

14 Calirani pinthu pyakuipa, mbamucita pinthu pyadidi;+

Sakani ntendere, pontho pitirizani kukhala nawo.+

15 Maso a Yahova asayangʼana anthu akulungama,+

Pontho makutu ace asabvesera nʼkhuwo wawo wakuphemba ciphedzo.+

16 Mbwenye Yahova asapasira nkhodolo ale anacita pinthu pyakuipa,

Iye anadzaafudza pa dziko yapantsi, pontho nkhabe anafuna kuakumbukira.+

17 Iwo akhuwa, pontho Yahova aabva;+

Iye aapulumusa mu nyatwa zawo zonsene.+

18 Yahova ali dhuzi na ale anatamba nyatwa;+

Iye asapulumusa ale akuti atsukwala.*+

19 Nyatwa za munthu wakulungama ndi zizinji,+

Mbwenye Yahova asampulumusa mu nyatwa zenezi zonsene.+

20 Iye asatsidzikiza magogodo ace onsene;

Nee gogodo ibodzi yaswiwa.+

21 Cidengwa cinadzapha munthu anacita pyakuipa;

Ale anaida anthu akulungama anadzakhala na mulando.

22 Yahova asaombola umaso wa atumiki ace;

Ale anathawira kuna iye nee anadzakhala na mulando.+