Dhanyeli

4 “Izi ndi mphangwa za Mambo Nabhukodhonozore zinatumiza iye kuna mbumba zonsene zinakhala pa dziko yapantsi: Ntendere wanu mbuthimizirike! 2 Ndisafuna kukudziwisani pidzindikiro na pinthu pyakudzumisa pidandicitira Mulungu Wankulu Kakamwe. 3 Pidzindikiro pyace na pinthu pyace pyakudzumisa ndi pikulu kakamwe! Umambo wace ndi umambo wakwenda na kwenda, pontho iye asatonga mu ubalwi na ubalwi.+

4 “Ine Nabhukodhonozore, ndikhali muntendere panyumba panga, pontho pinthu pikhandifambira mwadidi panyumba yanga inakhala mambo. 5 Ine ndalota ndoto yakuti yandithusa kakamwe. Pikhali ine patalimba panga, ndatoma kunyerezera mbandiona masomphenya akuti andigopesa kakamwe.+ 6 Natenepa ine ndapereka ntemo toera abwereswe kuna ine amuna onsene audziwisi a mu Bhabhilonya, toera iwo andipange mabvekero a ndoto ineyi.+

7 “Pa ndzidzi unoyu anyantsembe akulotera, anyakucita masalapita, Akaldheya* na anyakudziwisa pya nyenyezi+ abwera. Pidaapanga ine ndoto ineyi, iwo acimwana kundipanga mabvekero ayo.+ 8 Buluka penepo Dhanyeli abwera kuna ine, ule wakuti apaswa dzina yakuti Bheltisezari+ toera kulemedza dzina ya mulungu wanga,+ pontho iye akhali na mphambvu za alungu akucena,+ ine mbindimpanga ndoto yanga:

9 “‘Bheltisezari, nkulu wa anyantsembe akulotera,+ ine ndisadziwa mwadidi kuti iwe uli na mphambvu za alungu akucena,+ pontho ndisadziwa kuti nkhabepo cibisobiso cakunentsa kakamwe kwa iwe.+ Na thangwi ineyi ndifokotozere masomphenya adaona ine mu ndoto yanga na mabvekero ace.

10 “‘Mʼmasomphenya adaona ine mu ndzidzi ukhali ine patalimba panga, ndaona muti+ pakati pa dziko yapantsi, pontho muti unoyu ukhali wakulapha kakamwe.+ 11 Muti unoyu wakula mbukhala wamphambvu, mbufika mpaka kudzulu, pontho iwo ukhaoneka mpaka kunkhomo kwa dziko yonsene yapantsi. 12 Masamba ace akhali akubalika, pontho ukhali na misapo mizinji yakuti mbidakwana kuna pinyama pyonsene na kuna anthu onsene. Pinyama pya ntsanga pikakhala pa nʼthundzi wa muti unoyu, mbalame zakudzulu zikakhala mu nthawi za muti unoyu, pontho pinthu pyonsene pya umaso pikhadya misapo ya muti unoyu.

13 “‘Mu ndzidzi ukhali ine patalimba panga, mbandikaona masomphenya, ndaona nyakuonera, nyakupereka mphangwa wakucena mbakatcita buluka kudzulu.+ 14 Iye alonga mwakugaluza: “Gwandani muti,+ gwandani nthawi zace, gubudzani masamba ace, pontho mwazani misapo yace! Pinyama mbipithawe pantsi pamuti unoyu, pontho mbalame mbizithawe mu nthawi za muti unoyu. 15 Mbwenye siyani citca na mitcitci yace pantsi, pontho mangani citca ceneci na bhande ya utale na nkuwa pakati pa tsanga. Ico cinatota na bume yakudzulu, pontho mbacikhale ntsanga pabodzi na pinyama.+ 16 Ntima wace unadzacinjwa toera akhonde kukhala na ntima wa munthu, mbwenye anadzapaswa ntima wa cinyama, pontho panadzapita midzidzi* minomwe.+17 Adatonga pyenepi ndi anyakuonera,+ pontho aanju akucena ndiwo adaphemba pyenepi toera anthu onsene adziwe kuti Wankulu Kakamwe ndi Ntongi wa maumambo a anthu,+ iye asapasa utongi kuna onsene anafuna iye, ngakhale wakupwazika kakamwe pakati pa anthu.”

18 “‘Ine Mambo Nabhukodhonozore ndalota ndoto ineyi; iwe Bheltisezari ndipange cincino mabvekero ace, thangwi amuna anango onsene audziwisi a umambo wanga nee akwanisa kundipanga mabvekero a ndoto ineyi.+ Mbwenye iwe unakwanisa kucita pyenepi, thangwi uli na mphambvu za alungu akucena.’

19 “Mu ndzidzi unoyu, Dhanyeli ule adapaswa dzina yakuti Bheltisezari,+ adzumatirwa na pyenepi mbatoma kugopa.

“Mambo alonga: ‘Bheltisezari, leka kuthuswa na ndoto na mabvekero ace.’

“Bheltisezari atawira: ‘Mbuyanga, ndoto ineyi mbiphate basa kuna ale anakuidani, pontho mabvekero ace kuna anyamalwa anu.

20 “‘Imwe mwaona muti wakuti wakula kakamwe mbudzakhala wakuwanga. Muti unoyu ukhadalapha mpaka kudzulu, pontho ukhaoneka pa dziko yonsene yapantsi.+ 21 Masamba a muti unoyu akhali akubalika, pontho ukhali na misapo mizinji yakuti anthu onsene na pinyama pyonsene mbadakwana nayo. Pinyama pya ntsanga pikakhala pantsi pamuti unoyu, pontho mbalame zakudzulu zikakhala mu nthawi zace.+ 22 Muti unoyu ndimwe mambo, thangwi imwe mwakula mbamukhala wamphambvu, ukulu wanu wathimizirika mbufika mpaka kudzulu,+ pontho utongi wanu wafika mpaka kunkhomo kwa dziko yapantsi.+

23 “‘Pontho imwe mambo mwaona nyakuonera wakucena,+ mbakatcita buluka kudzulu, wakuti alonga: “Gwandani muti mbamuufudza, mbwenye siyani citca na mitcitci yace pantsi, pontho mangani citca ceneci na bhande ya utale na nkuwa, mbacikhala pakati pa tsanga. Cinatoteswa na bume yakudzulu, pontho cinadzakhala pabodzi na pinyama pya ntsanga mpaka papite midzidzi* minomwe.”+ 24 Pyenepi ndi pinthu pidatonga Mulungu Wankulu Kakamwe pyakuti pinadzagwera imwe mbuyanga mambo. Pontho mabvekero a ndoto ineyi ndi awa: 25 Imwe munadzathamangiswa pakati pa anthu, mbamukhala na pinyama ntsanga. Munadzadya tsanga ninga ngʼombe; pontho munadzatota na bume yakudzulu,+ buluka penepo panadzapita midzidzi* minomwe,+ mpaka mudzindikire kuti Mulungu Wankulu Kakamwe ndi Ntongi wa maumambo a anthu, pontho iye asapasa umambo ule anafuna iye.+

26 “‘Mbwenye nakuti iwo alonga kuti citca ca muti unoyu na mitcitci yace pisiyiwe,+ imwe munadzapaswa pontho umambo wanu mungadzindikira kuti Mulungu akutonga kudzulu. 27 Natenepa mambo, tawirani uphungu unafuna ine kukupasani. Siyani madawo anacita imwe mbamucita pinthu pyadidi, pontho siyani pyakuipa pinacita imwe mbamubvera ntsisi anyakutcerenga. Mungacita tenepo, panango pinthu pinakufambirani mwadidi mu ndzidzi uzinji.’”+

28 Pyenepi pyonsene pyacitikira Mambo Nabhukodhonozore.

29 Pidapita miyezi 12 iye akhafamba padzulu panyumba ya mambo ku Bhabhilonya. 30 Mambo akhalonga: “Uyu nee ndi Bhabhilonya Wankulu, adamanga ine na mphambvu zanga, pontho na mbiri yanga ikulu toera akhale nyumba ya mambo?”

31 Mambo mbadzati malisa kulonga, kudzulu kwabveka fala: “Bvesera mphangwa izi Mambo Nabhukodhonozore: ‘Umambo wabuluswa mʼmanja mwako,+ 32 pontho iwe unadzathamangiswa pakati pa anthu. Unadzakhala pabodzi na pinyama pya ntsanga, pontho unadzadya tsanga ninga ngʼombe, panapita midzidzi minomwe mpaka iwe udzindikire kuti Mulungu Wankulu Kakamwe ndi Ntongi wa maumambo a anthu, pontho iye asapasa umambo ule anafuna iye.’”+

33 Pa ndzidzi unoyu, mafala anewa akwanirisika kuna Nabhukodhonozore. Iye athamangiswa pakati pa anthu, mbatoma kudya tsanga ninga ngʼombe. Manungo ace atoteswa na bume yakudzulu, tsisi yace yadzakula mbikhala ninga manthenga a capungu, pontho ngole zace zadzakhala zakulapha ninga za mbalame.+

34 “Kunkhomo kwa ndzidzi unoyu,+ ine Nabhukodhonozore ndayangʼana kudzulu, mbandikhala pontho na ndzeru; ine ndasimba Mulungu Wankulu Kakamwe, pontho ndasimba Ule wakuti ali mʼmaso kwenda na kwenda, mbandimpasa mbiri, thangwi utongi wace ndi utongi wakwenda na kwenda, pontho umambo wace ndi wa ubalwi na ubalwi.+ 35 Iye asaona anthu onsene anakhala pa dziko yapantsi ninga akusowa basa, pontho pakati pa nsoka wa anyankhondo akudzulu na pakati pa mbumba za pa dziko yapantsi, iye asacita pinthu mwakubverana na pinafuna iye. Nkhabepo anafuna kwanisa kunʼkhondesa*+ peno kumbvundza: ‘Ninji pinacita iwe?’+

36 “Pa ndzidzi unoyu ndadzakhala pontho na ndzeru, pontho mbiri ya umambo wanga, ukulu wanga na kubalika kwanga, pyatoma pontho kubwerera kuna ine.+ Akulu-akulu na atsogoleri a mu umambo wanga atoma pontho kundiphemba uphungu. Ine ndatoma pontho kutonga, anthu mbandipasa mbiri kakamwe kupiringana kale.

37 “Cincino ine Nabhukodhonozore, ndiri kusimba, kulemedza, pontho kupasa mbiri Mambo wakudzulu,+ thangwi mabasace onsene mbandimomwene, njira zace ndi zakulungama,+ pontho thangwi iye asakwanisa kucepesa ale anafamba mwakudzikuza.”+