Amambo Waciwiri

25 Mu caka cacipfemba ca utongi wa Zedhekiya, pa ntsiku yacikhumi ya mwezi wacikhumi, Nabhukodhonozore Mambo+ wa ku Bhabhilonya pabodzi na anyankhondo ace onsene abwera toera kudzamenyana na Yerusalemu.+ Iye amanga misasa toera kumenyana na nzinda unoyu, amanga mpanda mbazungulira nzinda onsene,+ 2 pontho nzinda wapitiriza kuzungulirwa mpaka caka 11 ca utongi wa Mambo Zedhekiya. 3 Pa ntsiku yacipfemba ya mwezi wacinai, njala ikhadakula kakamwe+ mu nzinda, pontho anthu nee akhali na cakudya mu dziko ineyi.+ 4 Pa mpanda wa nzinda pafungulwa benga,+ pontho anyankhondo onsene athawa namasiku na pansuwo ukulu ukhali pakati pa mipanda miwiri dhuzi na munda wa mambo,* mu ndzidzi wakuti Akaldheya akhazungulira nzinda; pontho mambo aenda na njira ya ku Arabha.+ 5 Mbwenye anyankhondo a Akaldheya atowerera mambo mban’gumana kuthando ya Yeriko, pontho anyankhondo ace onsene abalalika. 6 Penepo iwo aphata mambo+ mbaenda naye kuna mambo wa ku Bhabhilonya ku Ribhila, pontho ndi kweneko kudantonga iwo kuti asafunika kucitwanji. 7 Iwo apha ana a Zedhekiya pamaso pace; pidamala iwo, Nabhukodhonozore aswa maso a Zedhekiya, am’manga na maunyolo a nkuwa mbaenda naye ku Bhabhilonya.+

8 Mwezi wacixanu, pa ntsiku yacinomwe ya mwezi unoyu, ceneci cikhali caka 19 ca utongi wa Nabhukodhonozore Mambo wa ku Bhabhilonya, Nebhuzaradhani+ nkulu wa anyakuonera, wakuti akhali ntumiki wa mambo wa ku Bhabhilonya, afika ku Yerusalemu.+ 9 Iye apisa nyumba ya Yahova,+ nyumba ya mambo+ na nyumba zonsene za mu Yerusalemu;+ iye apisambo nyumba za amuna akubvekera.+ 10 Pontho mpanda onsene wa Yerusalemu wagwiswa na nsoka wa anyankhondo a Akaldheya akuti akhali pabodzi na nkulu wa anyakuonera.+ 11 Nebhuzaradhani nkulu wa anyakuonera akwata anthu adasalikira mu nzinda mbaaendesa ku ubitcu. Iye akwatambo ale adathawa mbaenda kukhundu ya mambo wa ku Bhabhilonya, kuphatanizambo anthu anango onsene.+ 12 Mbwenye nkulu wa anyakuonera asiya anthu angasi akutcerenga kakamwe pakati pa mbumba ya dziko ineyi toera aphate basa m’minda ya mauva, pontho toera akhale anyakuphata basa mwakukakamizwa.+ 13 Akaldheya agwanda-gwanda mizati ya nkuwa+ ya panyumba ya Yahova, ngolo,+ Tanki ya madzi ya panyumba ya Yahova yakuti ikhacemerwa Bara ya nkuwa,+ pontho iwo akwata nkuwa mbaenda nawo ku Bhabhilonya.+ 14 Iwo akwatambo pyakubulusa napyo dotha, mafoxolo, pyakuthimisa napyo moto, makhomitco na pyombo pyonsene pya nkuwa pyakuti pikhaphatisirwa mu templo. 15 Nkulu wa anyakuonera akwata pyakupalira moto na mbale. Mbale zenezi na pyakupalira moto pikhadacitwa na ouro yadidi kakamwe+ na parata yadidi kakamwe.+ 16 Mbwenye nkuwa wa mizati miwiri, Tanki ya madzi na ngolo zidacita Salomoni toera ziphatisirwe panyumba ya Yahova, nee akwanisa kupima kulemera kwa nkuwa wa pinthu pyenepi.+ 17 Nzati ubodzi na ubodzi ukhali na makhono* 18 a cengo,+ pontho cakubalikisa cikhali padzulu pa nzati ubodzi na ubodzi cikhali ca nkuwa; cakubalikisa cibodzi na cibodzi cikhali na ulaphi wa makhono matatu a cengo, pontho pinthu pyakulandana na malitcera na pyakulandana na misapo ya romaa pyakuti pikhali n’khundu monsene mwa cakubalikisa, pyonsene pikhadacitwa na nkuwa.+ Nzati waciwiri na pinthu pyace pyakulandana na malitcera pikhadacitwa munjira ibodzi ene.

18 Nkulu wa anyakuonera akwatambo Seraya+ nkulu wa nyantsembe, Zefaniya+ wakuti ndi nyantsembe waciwiri, na anyakuonera nsuwo atatu.+ 19 Iye akwata mu nzinda unoyu nkulu m’bodzi wa utongi wakuti akhali ntsogoleri wa anyankhondo, anyakupereka uphungu axanu a mambo akuti akhali mu nzinda, kuphatanizambo mulembi wankulu wa anyankhondo, wakuti akhalembera anthu a mu dziko ineyi toera akhale anyankhondo, na amuna 60 pakati pa mbumba ya dziko ineyi akuti akhadzati kubuluka mu nzinda. 20 Nebhuzaradhani+ nkulu wa anyakuonera aakwata mbaenda nawo ku Ribhila kuna mambo wa ku Bhabhilonya.+ 21 Mambo wa ku Bhabhilonya aapha ku Ribhila mu dziko ya Amati.+ Natenepa, Ayuda abuluswa mu dziko yawo mbaendeswa ku ubitcu.+

22 Mambo Nabhukodhonozore wa ku Bhabhilonya asankhula Jedhaliya+ mwana wa Aikamu+ wakuti ndi ndzukulu wa Safani+ toera atsogolere mbumba idasiya iye mu dziko ya Yuda.+ 23 Atsogoleri onsene a anyankhondo na anyankhondo awo pidabva iwo kuti mambo wa ku Bhabhilonya asankhula Jedhaliya, mwakukhonda dembuka iwo aenda kaonana na Jedhaliya ku Mispa. Iwo akhali Ijimaeli mwana wa Netaniya, Yowanani mwana wa Kareya, Seraya mwana wa Tanumeti wa ku Netofa na Yazaniya mwana wa dzindza ya Amaakati, pabodzi na anyankhondo awo.+ 24 Jedhaliya adumbira kuna iwo na kuna anyankhondo awo, mbalonga: “Lekani kugopa kutumikira Akaldheya. Khalani mu dziko ino mbamutumikira mambo wa ku Bhabhilonya, natenepa pinthu pinakufambirani mwadidi.”+

25 Pa mwezi wacinomwe, Ijimaeli+ mwana wa Netaniya ndzukulu wa Elizama, wakuti akhali wa dzindza ya mambo, iye pabodzi na amuna anango khumi aenda ku Mispa. Iwo apha Jedhaliya, Ayuda na Akaldheya akhali na iye ku Mispa.+ 26 Buluka penepo mbumba yonsene, akulu na ana ene, kuphatanizambo akulu a anyankhondo abuluka mbaenda ku Ejitu,+ thangwi iwo akhagopa Akaldheya.+

27 Mu caka 37 ca ubitcu wa Mambo Yeowakini+ wa ku Yuda, pa ntsiku 27 ya mwezi 12, mu caka cidakhazikiswa Evili-Merodhaki ninga mambo wa ku Bhabhilonya, iye abulusa nkaidi Mambo Yeowakini wa ku Yuda.+ 28 Iye alonga naye mwadidi, pontho ampasa cidzo cikulu kupiringana amambo anango akhali na iye ku Bhabhilonya. 29 Natenepa Yeowakini adula nguwo zace zikhabvala iye ninga nyankaidi, pontho iye akhadya na mambo ntsiku zonsene mpaka kufa kwace. 30 Mwakukhonda phonya, iye akhapaswa cakudya na mambo, ntsiku zonsene mpaka kufa kwace.