-
Mbumba Inamwaza Mphangwa—Atumiki Akuperekeka Okhene na Ntima OnseneUmambo Wa Mulungu Ukutonga!
-
-
Ninga mamuna adakomerwa kugumana mpfuma yakubisika, Akristu asakomerwa nakuti agumana undimomwene wa Umambo (Onani ndima 20)
20. Nsangani wa Yezu wa mpfuma yakubisika usapangiza tani kuti atowereri ace mbadatawira uphungu toera kuikha pa mbuto yakutoma Umambo?
20 Yezu akhadziwa kuti atowereri ace mbadatawira tani uphungu wakusaka pakutoma Umambo. Dingani nsangani wace wa mpfuma yakubisika. (Lerini Mateo 13:44.) M’mabasa ace a ntsiku na ntsiku, nyakulima wa nsangani unoyu agumana mpfuma yakubisika, mwakucimbiza adzindikira ntengo wace. Kodi iye acitanji? ‘Thangwi ya ipyo aenda na kusekera kagulisa pinthu pyace pyonsene, mbagula munda unoyu.’ Tisapfundzanji? Munagumana ife undimomwene wa Umambo na kudzindikira ntengo wace, mwakutsandzaya tisacita pyonsene pinafunika toera kuikha pifuno pya Umambo pa mbuto yakutoma mu umaso wathu.d
-
-
Mbumba Inamwaza Mphangwa—Atumiki Akuperekeka Okhene na Ntima OnseneUmambo Wa Mulungu Ukutonga!
-
-
d Yezu alonga ntsonga ibodzi ene mu nsangani wace wa nyamalonda wakufamba-famba wakuti asabuluka mbaenda kasaka gerengeja peno mwala wa ntengo ukulu. Mudauguma iye, agulisa pinthu pyace pyonsene, mbaigula. (Mat. 13:45, 46) Misangani ineyi miwiri isatipfundzisa kuti tinapfundza pya undimomwene wa Umambo mu njira zakusiyana-siyana. Anango asafewa, mu ndzidzi wakuti anango asapitiriza na kusaka undimomwene. Mbwenye, mwakukhonda tsalakana njira idagumana ife undimomwene, tisafuna kakamwe kucita pyonsene pinakwanisa ife toera kuikha Umambo pakutoma mu umaso wathu.
-