-
Kodi Mphangwa Zadidi Zisamwazwa Tani?Tsandzayani na Umaso Kwenda na Kwenda!—Kucedza Pabodzi Thangwi Ya Bhibhlya
-
-
4. Ife tisawangisira kakamwe toera kumwaza mphangwa kuna anthu onsene
Mboni za Yahova zisacita pyonsene pinakwanisa iwo toera kumwaza mphangwa zadidi m’mbuto zonsene zinagumanika anthu. Onani VIDHYU, buluka penepo cedzani thangwi ya mbvundzo unatowera.
Ninji cinakomerwa na imwe mungaona kuwangisira kunacita Mboni za Yahova toera kumwaza mphangwa?
Lerini Mateu 22:39 na Aroma 10:13-15, buluka penepo cedzani thangwi ya mibvundzo iyi:
Basa yathu yakumwaza mphangwa isapangiza tani kuti tisafuna anthu anango?
Kodi Yahova asaona tani ale anamwaza mphangwa zadidi? —Onani vesi 15.
-
-
Tinacitanji Toera Mulungu Atione Kuti Ndife Akucena?Tsandzayani na Umaso Kwenda na Kwenda!—Kucedza Pabodzi Thangwi Ya Bhibhlya
-
-
4. Siyani misambo yakuipa
Yahova anakwanisa kutiphedza kukunda misambo yonsene yakuipa
Khala imwe musafumali peno musaphatisira mitombwe yakuledzeresa, musadziwa kuti mphyakunentsa kusiya misambo ineyi yakuipa. Mphapo ninji cinafuna kukuphedzani? Nyerezerani kuti misambo ineyi isaikha tani pangozwi umaso wanu. Lerini Mateu 22:37-39, buluka penepo cedzani thangwi ya mibvundzo iyi: Kodi kufumali peno kuphatisira mitombwe yakuledzeresa kusaikha tani pangozwi . . .
uxamwali uli na munthu na Yahova.
anthu a pabanja yace na anthu anango.
Nyerezerani pinafunika imwe kucita toera kusiya misambo yakuipa.a Onani VIDHYU.
Lerini Afilipi 4:13, buluka penepo cedzani thangwi ya mbvundzo uyu:
Kodi kucita phembero, kupfundza Bhibhlya na kugumanika pa misonkhano mwakukhonda phonya kunaphedza tani munthu toera kusiya misambo yakuipa?
5. Wangisirani toera kusiya kunyerezera pinthu pyakuipa peno kupicita
Lerini Akolose 3:5, buluka penepo cedzani thangwi ya mibvundzo iyi:
Tisadziwa tani kuti kuona ucipezipezi, kutumizirana mphangwa zaulukwali, mafoto na mavidhyu aulukwali, peno kusendzeka na kumaso, nee ndi pinthu pyakucena pamaso pa Yahova?
Musanyerezera kuti tinakwanisa kukhala na makhaliro akucena ninga munapifunira Yahova? Thangwi yanji?
Onani kuti munacitanji toera kukunda nsambo wakunyerezera pinthu pyakuipa. Onani VIDHYU.
Yezu alonga nsangani toera kupangiza kuti tisafunika kucita pyonsene pinakwanisa ife toera tikhale akucena. Lerini Mateu 5:29, 30, buluka penepo cedzani thangwi ya mbvundzo uyu:
Pa lemba ineyi, Yezu nee akhafuna kulonga kuti tisafunika kuphekesa manungo athu, mbwenye akhafuna kupangiza kuti tisafunika kuwangisira toera ticite pinthu pinafuna Mulungu. Mphapo munthu asafunika kucitanji toera akhonde kunyerezera pinthu pyakuipa?b
Yahova asakomerwa kakamwe angaona kuti mukuwangisira toera kusiya nsambo wakunyerezera pinthu pyakuipa. Lerini Masalmo 103:13, 14, buluka penepo cedzani thangwi ya mbvundzo uyu:
Khala mukunentseka toera kusiya nsambo unango wakuipa, kodi lemba ineyi inakuphedzani tani toera mukhonde kubwerera nduli?
Lekani kubwerera nduli!
Ndi pyakukhonda nentsa kulonga: ‘Nakuti ndacita pontho pinthu pyakuipa, nee ndinakwanisabve kupisiya.’ Nyerezerani basi: Munthu anacita mapika akuthamanga angagwegweduka mbagwa, nee pisabveka kuti iye aluza mapika, pontho nee pisabveka kuti asafunika kubwerera toera kutoma pontho kuthamanga. Munjira ibodzi ene, mungacita pontho cinthu cakuipa, nee pisabveka kuti nee munakwanisabve kusiya nsambo unoyu wakuipa. Nee pisabveka kuti kuwangisira konsene kudacita imwe pakutoma nkhwapezi. Anthu onsene asadodoma! Natenepa, lekani kubwerera nduli! Na ciphedzo ca Yahova, imwe munakwanisa kukunda nsambo unoyu wakuipa.
-