16 නමුත් ඔවුහු ඔවුන්ට සරදම් කරමින්,+ දෙවි තම අනාගතවක්තෘවරුන් මාර්ගයෙන් පැවසූ දේවල් හෙළාදුටුවෝය.+ ඔවුහු ඒ කිසිවක් පිළිගත්තේ නැත.+ එහි ප්‍රතිඵලයක් ලෙස අන්තයටම පිරිහී ගොස් සිටි ඔවුන්ට+ විරුද්ධව යෙහෝවා දෙවිගේ උදහස ඇවුළුණේය.+

29 නැවත ඔබ වෙතට හැරී ඔබේ නීතියට+ කීකරු වෙන්න කියා ඔබ ඔවුන්ට බොහෝ වරක් අවවාද+ කළත් එයින් පලක් වුණේ නැහැ. ඔවුන් හිතුවක්කාර+ ලෙස, ජීවනය හිමි කර දෙන+ ඔබේ තීන්දු හා අණපනත්+ කඩ කරමින් පව් කළා.+ ඔවුන් සිත් දැඩි කරගෙන+ ඔබ කී කිසි දෙයක් ගණනකට ගත්තේ නැහැ.+ ඔවුන් මුරණ්ඩු, කැරලිකාර සෙනඟක්.+

8 නමුත් ඔවුහු මාගේ හඬට සවන් දුන්නේවත් මා පැවසූ දේ ගණනකට ගත්තේවත් නැත.+ ඔවුහු දිගටම මුරණ්ඩු ලෙස හැසිරෙමින් ඔවුන්ගේ දුෂ්ට සිතුවිලිවලට අනුව ක්‍රියා කළෝය.+ නමුත් ගිවිසුම කඩ කළොත් අද්දැකීමට සිදු වෙයි කියා මා කලින් පැවසූ දඬුවම් ඔවුන් පිටට මම ගෙනාවෙමි.’”

3 “ආමොන්ගේ පුත්‍රයා වූ යූදාහි රජු වූ යොෂියා රජකම් කළ දහතුන්වන අවුරුද්දේ+ සිට මේ දවස දක්වාම එනම්, මේ අවුරුදු විසිතුන පුරාම යෙහෝවා දෙවිගෙන් බොහෝ පණිවිඩ මට ලැබිණ. ජනයෙනි, මා හිමිදිරි උදෑසන සිට නොනවත්වා ඒ පණිවිඩ ඔබට දැන්වුවත් ඔබ ඒවාට ඇහුම්කන් දුන්නේ නැත.+

4 “‘ඔබ ඔබේ පියවරුන් මෙන් ක්‍රියා නොකරන්න.+ “ඔබ කරන නරක දේවල් අත්හැර ස්වර්ගයේ සේනාවල අධිපති වන යෙහෝවා දෙවි වෙතට නැවත හැරී එන්න”+ කියා අනාගතවක්තෘවරු ඔබේ පියවරුන්ට පැවසුවෝය.’”+

“‘නමුත් අනාගතවක්තෘවරුන් මාර්ගයෙන් මා කියූ දේට ඔවුහු ඇහුම්කන් දුන්නේ නැත. යෙහෝවා දෙවි වන මා කී දේ ගණනකටවත් ගත්තේ නැත.+