2 “බැබිලෝනියේ රජු වන නෙබුකද්රෙෂර්* අපට විරුද්ධව යුද්ධයට සැරසෙන නිසා+ අපට කුමක් සිදු වෙයිද කියා යෙහෝවා දෙවිගෙන් විමසා අපට කියන්න.+ සමහරවිට යෙහෝවා දෙවි අතීතයේ කළාක් මෙන් අප වෙනුවෙන් මේ වතාවෙදීත් බලවත් ක්‍රියාවක් සිදු කරන්න ඉඩ තියෙනවා. දෙවි එසේ කළොත් බැබිලෝනියේ රජුට ආපසු හැරී යන්න සිදු වෙයි.”+

17 කලක් ගත වූ පසු ශෙදකියා රජ යෙරෙමියාව තම මාලිගාවට ගෙන්වාගත්තේය. රජ කාටත් නොපෙනෙන ස්ථානයකට ඔහුව ගෙන ගොස්,+ “යෙහෝවා දෙවිගෙන් ඔබට පණිවිඩයක් ලැබුණාද” කියා ඔහුගෙන් ඇසුවේය. එවිට යෙරෙමියා, රජුට මෙසේ පිළිතුරු දුන්නේය. “ඔව්, මට පණිවිඩයක් ලැබුණා. ඔබ බැබිලෝනියේ රජුගේ අතට අනිවාර්යයෙන්ම හසු වෙනවා කියා දෙවි මට පැවසුවා.”+