ගීතාවලිය

126 වහල්භාවයේ සිටි සියොන්හි වැසියන්ව යෙහෝවා දෙවි නැවත ඔවුන්ගේ දේශයට ගෙනා විට+

එය අපට සිහිනයක් මෙන් විය.+

 2 එකල අපි නිතරම සිනාමුසු මුහුණෙන්ද+

ප්‍රීති ඝෝෂා නඟමින්ද+ සිටියෙමු.

වෙනත් ජාතීන්ට අයත් සෙනඟද මෙසේ පැවසුවෝය.+

“යෙහෝවා දෙවි තම සෙනඟ වෙනුවෙන් කළ දේ මොන තරම් ශ්‍රේෂ්ඨද!”+

 3 යෙහෝවා දෙවි අප වෙනුවෙන් පුදුමාකාර දේවල් කර තිබේ.+

එබැවින් අපි මහත් ප්‍රීතියකින් සිටින්නෙමු.+

 4 යෙහෝවා දෙවියනි, නෙගෙබ් පාළුකරයෙහි සිඳී ගොස් තිබෙන දිය පාරවල් නැවත ජලයෙන් පිරී යන්නාක් මෙන්+

වහලුන්ව සිටින අපව නැවත එක් රැස් කරන්න.+

 5 කඳුළු සලමින් වපුරන්නෝ+

ප්‍රීති ඝෝෂා නඟමින් නෙළාගන්නෝය.+

 6 බීජ මල්ලක් රැගෙන+ කඳුළු සලමින් පිටත්ව ගියත්+

ගොයම් මිටි උසුලාගෙන+ ප්‍රීති ඝෝෂා නඟමින් නැවත පැමිණෙන්නෝය.+