2 ලේකම්
15 දෙවිගේ බලය+ ඕදෙද්ගේ+ පුත් අෂරියා තුළ ක්‍රියාත්මක විය. 2 ඔහු ආසා රජු වෙතට ගොස් මෙසේ පැවසුවේය. “රජ්ජුරුවනි, යූදා හා බෙන්ජමින් වැසියෙනි, මට සවන් දෙන්න. ඔබ යෙහෝවා දෙවිට ළංව සිටින තාක් කල් ඔහුත් ඔබට ළංව සිටිනවා.+ ඔබ ඔහුගේ මඟ පෙන්වීම් පැතුවොත්+ ඔහු ඔබව පිළිගෙන ඔබට උපකාර කරයි. නමුත් ඔබ ඔහුව අත්හැරියොත් ඔහුද ඔබව අත්හරියි.+ 3 කාලයක් ඊශ්‍රායෙල් ජාතිය+ සැබෑ දෙවිවත් ඔවුන්ට උගන්වන්න සිටිය පූජකයාවත්+ ඔවුන් පිළිපැදිය යුතු නීතියත් අත්හැර දමා තිබුණා. 4 නමුත් යම් විපතක් සිදු වූ විට+ ඔවුන් නැවතත් ඊශ්‍රායෙල්හි දෙවි වන යෙහෝවා වෙතට හැරී+ ඔහුගේ මඟ පෙන්වීම් පැතුවා. එවිට දෙවි ඔවුන්ව පිළිගෙන ඔවුන්ට උපකාර කළා.+ 5 ඒ කාලයේ දේශයේ ගැටුම් සහිත වාතාවරණයක් තිබූ නිසා+ ගමන්බිමන් ගිය අයට කිසිම ආරක්ෂාවක් තිබුණේ නැහැ.+ 6 ගෝත්‍ර අතරත්+ නුවරවල් අතරත් නොයෙකුත් ගැටුම් පැවතුණු නිසා සෙනඟගෙන් බොහෝදෙනෙක් මරණයට පත් වුණා. එසේ සිදු වුණේ නොයෙකුත් විපත්වලින් ඔවුන්ට පීඩා විඳීමට දෙවි ඉඩහැරිය නිසයි.+ 7 නමුත් දැන් ඔබ කරන දේවලට දෙවිගේ ආශීර්වාදය ලැබෙනවා.+ ඒ නිසා ඔබ අධෛර්යය නොවී+ ශක්තිමත් වන්න.”+
8 ඒ වචනවලටත් අනාගතවක්තෘ ඕදෙද්ගේ+ අනාවැකියටත් සවන් දුන් පසු ආසා රජ මහත් ධෛර්යයක් උපදවාගත්තේය. ඔහු වහාම මුළු යූදා දේශයේද බෙන්ජමින් දේශයේද එෆ්‍රායිම් ගෝත්‍රයට අයත් කඳුකර ප්‍රදේශයෙන්+ අල්ලාගත් නුවරවලද තිබූ සියලුම පිළිකුල්සහගත දේවල්+ විනාශ කර දැමුවේය. එමෙන්ම ඔහු යෙහෝවා දෙවිගේ ගෘහයේ ශුද්ධස්ථානයට ඇතුල් වන ශාලාව ඉදිරියේ තිබූ යෙහෝවා දෙවිගේ පූජාසනයද අලුත්වැඩියා කළේය.+ 9 එෆ්‍රායිම්, මනස්සේ සහ සිමියොන් යන ගෝත්‍රවලින් විශාල පිරිසක්* යූදා හා බෙන්ජමින් ගෝත්‍රවලට අයත් ප්‍රදේශවල පදිංචි වීමට පැමිණියෝය. ඔවුන් ආසා රජුට සහයෝගය දැක්වීමට තීරණය කළේ ඔහු නමස්කාර කළ දෙවි වන යෙහෝවා ඔහු සමඟ සිටින බව ඔවුන් දුටු නිසාය.+ ඉන්පසු ආසා රජ ඔවුන්වද+ යූදා හා බෙන්ජමින් ගෝත්‍රවල සියලුදෙනාවද රැස් කළේය.+ 10 එලෙස ඔවුන්ව යෙරුසලමට එක් රැස් කරන ලද්දේ ආසා රජු පාලනය කළ පහළොස්වන අවුරුද්දේ තුන්වන මාසයේදීය. 11 එසේ රැස් වූ අවස්ථාවේදී ඔවුහු තමන් අල්ලාගත් නුවරවලින් කොල්ලයක් ලෙස ගෙනා සතුන්ගෙන් ගවයන් හත්සියයක්ද බැටළුවන් හත්දහසක්ද යෙහෝවා දෙවිට පූජා කළෝය. 12 තම මුතුන්මිත්තන්ගේ දෙවි වන යෙහෝවාට මුළු හදවතින්ම සේවය කරමින් ඔහුගේ මඟ පෙන්වීම් නිරතුරුවම පතන බවට+ පොරොන්දු වෙමින් ඔවුහු එහිදී ගිවිසුමක්ද ඇති කරගත්තෝය.+ 13 ඒ ගිවිසුමට අනුව ස්ත්‍රී පුරුෂ+ ලොකු කුඩා+ ඕනෑම කෙනෙකු ඊශ්‍රායෙල්හි දෙවි වන යෙහෝවාගේ මඟ පෙන්වීම පතන්නේ නැත්නම් ඔහුව මරණයට පත් කළ යුතුයි.+ 14 ඔවුහු ඉමහත් ප්‍රීතියකින් හා මහත් හඬකින් යුතුව හොරණෑ සහ නළා හඬ මැද තමන් එසේ කරන බවට යෙහෝවා දෙවිට පොරොන්දු වූහ.+ 15 යූදාහි සියලු වැසියන් තමන් දුන් පොරොන්දුව මුළු හදවතින්ම ඉටු කිරීමට අදිටන් කරගත් නිසා ඔවුන්ට ඉමහත් ප්‍රීතියක් දැනිණ.+ ඔවුහු මහත් ඕනෑකමින් දෙවිගේ මඟ පෙන්වීම් පැතුවෝය. ඒ නිසා දෙවි ඔවුන්ව පිළිගෙන ඔවුන්ට උපකාර කළෝය.+ එමෙන්ම දේශය පුරා සාමය දිගටම පැවතීමට යෙහෝවා දෙවි ඉඩහැරියේය.+
16 බොරු නමස්කාරය සඳහා ඉදි කර තිබූ කුලුනක් අසල ආසා රජුගේ ආච්චි වූ මයකා+ තවත් පිළිකුල් රූපයක්+ සාදා තිබූ නිසා ආසා+ රජ ඇයව මව් රැජින පදවියෙන් ඉවත් කළේය.+ පසුව ඔහු එම පිළිකුල් රූපය සම්පූර්ණයෙන්ම සුනුවිසුනු කර+ කිද්‍රොන් නිම්නයේ+ එය පුලුස්සා දැමීය.+ 17 ඔහු ඊශ්‍රායෙල් දේශයේ තිබූ සියලුම පූජනීය ස්ථාන+ විනාශ නොකළත්+ ඔහුගේ ජීවිත කාලය පුරාම ඔහු මුළු හදවතින්ම දෙවිට විශ්වාසවන්තව සේවය කළේය.+ 18 ඔහු තමාගේ පියා විසින්ද තමා විසින්ද කැප කරන ලද දේවල්+ එනම්, රන්, රිදී හා අනිකුත් භාණ්ඩ+ සැබෑ දෙවිගේ ගෘහයට ගෙනාවේය. 19 ආසා රජුගේ පාලනයේ තිස්පස්වන අවුරුද්ද දක්වා දේශයෙහි යුද්ධයක් හටගත්තේ නැත.+