ගීතාවලිය

24 පොළොව හා එහි ඇති සියල්ල+

එසේය, භූමිය හා එහි සියලු ජීවීන් යෙහෝවා දෙවිට අයිතිය.+

 2 ඔහු භූමිය මුහුදට ඉහළින් පිහිටෙව්වේය.+

ගංගාවන්ට ඉහළින් එය ස්ථිරව තැබුවේය.+

 3 යෙහෝවා දෙවිගේ කන්දට නැඟිය හැක්කේ කාටද?+

ඔහුගේ ශුද්ධස්ථානයට ඇතුල් විය හැක්කේ කාටද?+

 4 පිරිසිදු සිතක් ඇති, නිර්දෝෂ ජීවිතයක් ගත කරන තැනැත්තාටය.+

මාගේ නාමයට අගෞරවයක් ගෙන නොදුන්,+

වංක ලෙස දිවුරුම් නොදුන් තැනැත්තාටය.+

 5 ඔහුට යෙහෝවා දෙවිගෙන් ආශීර්වාද ලැබෙන්නේය.+

ගැලවීම සලසා දෙන ඔහුගේ දෙවි ඔහු ධර්මිෂ්ඨයෙකුයයි ප්‍රකාශ කරන්නේය.+

 6 දෙවිගේ මඟ පෙන්වීම් පතන්නේ එවැනි අයය.

යාකොබ්ගේ දෙවිගෙන් උපකාර ඉල්ලන්නේ ඔවුන්ය.+ සීලාහ්.

 7 “දොරටුවෙනි,+ තේජවත් රජුට ඇතුල් වීමට හැකි වන සේ

ඔබේ හිස් ඔසවන්න!+

පුරාණ දොරටුවෙනි, නැඟිට ඉඩ සලසා දෙන්න!”+

 8 “මේ තේජවත් රජු කවුද?”+

“ඒ වෙන කිසිවෙකු නොව ශක්තියෙන් හා බලයෙන් උසස් යෙහෝවා දෙවිය.+

යුද්ධයට දක්ෂ යෙහෝවා දෙවිය.”+

 9 “දොරටුවෙනි, තේජවත් රජුට ඇතුල් වීමට හැකි වන සේ

ඔබේ හිස් ඔසවන්න!+

පුරාණ දොරටුවෙනි, නැඟිට ඉඩ සලසා දෙන්න!”+

10 “මේ තේජවත් රජු කවුද?”

“ඔහු වෙන කිසිවෙකු නොව ස්වර්ගයේ සේනාවල අධිපතියාණන් වන යෙහෝවා දෙවිය.”+ සීලාහ්.