19 ඒත් ඊජිප්තුවේ රජට විරුද්ධව මගේ මහත් බලය* පෙන්නුවොත් මිසක්, එයා ඔයාලට යන්න දෙන්නේ නැහැ කියලා මං හොඳින්ම දන්නවා.+ 20 ඒ නිසා මං මගේ බලයෙන් හුඟක් පුදුම දේවල් කරලා ඊජිප්තුවට පහර දෙනවා. එතකොට ඊජිප්තුවේ රජ ඔයාලට යන්න අවසර දෙයි.+

6 යෙහෝවා දෙවියන් මෝසෙස්ට මෙහෙම කිව්වා. “මං පාරාවෝට කරන්න යන දේ දැන් බලාගන්න.+ මං එයාට විරුද්ධව මගේ මහත් බලය* පාවිච්චි කරනවා. මගේ මහත් බලය දැක්කාම පාරාවෝට සිද්ධ වෙනවා මගේ සෙනඟට යන්න දෙන්න. එතකොට එයා සෙනඟව දේශයෙන් එළවලා දායි.”+

8 ඉතින් පාරාවෝ මෝසෙස්ටයි, ආරොන්ටයි එන්න කියලා මෙහෙම කිව්වා. “යන්න, ගිහින් උඹලාගේ දෙවි යෙහෝවාට නමස්කාර කරන්න. ඒත් ඊට කලින් කියන්න කවුරු කවුරුද ඔය ගමන යන්නේ කියලා.” 9 එතකොට මෝසෙස් කිව්වේ මෙහෙමයි. “බාල මහලු හැමෝම මේ ගමන යන්න ඕනේ. අපේ දුවලා පුතාලවයි, ගව බැටළු රැළවලුයි අපි අරන් යනවා.+ මොකද අපි මේ ගමන යන්නේ යෙහෝවාට උත්සවයක් පවත්වන්න.”+ 10 ඒක අහලා පාරාවෝ මෙහෙම කිව්වා. “දරුවොත් එක්ක ඔය ගමන යන්න මං උඹලට ඉඩ දුන්නොත් අන්න එදාට කියන්න පුළුවන් යෙහෝවාගේ උදව් උඹලට තියෙනවා කියලා.+ උඹලා ඔය හදන්නේ මොකක් හරි කපටි දෙයක් කරන්න. 11 හැමෝටම යන්න මම කොහොමටවත් ඉඩ දෙන්නේ නැහැ. උඹලට ඕනෙ යෙහෝවාට නමස්කාර කරන්නනේ. ඕනෙ නම් පිරිමි අයට විතරක් යන්න අවසර දෙන්නම්.” පාරාවෝ එහෙම කියලා මෝසෙස්වයි, ආරොන්වයි එතනින් පන්නලා දැම්මා.