28 රජ ඒ ගැන උපදේශකයන් එක්ක කතා කළාට පස්සේ රන් වස්සන් දෙන්නෙක්ව හදලා+ සෙනඟට මෙහෙම කිව්වා. “ඊශ්‍රායෙල්වරුනි, හැම තිස්සේම යෙරුසලමට යන එක ඔයාලට අමාරුයි. මේ ඉන්නේ ඔයාලව ඊජිප්තු දේශයෙන් පිටතට ගෙනාපු ඔයාලාගේ දෙවියන්.”+ 29 ඊටපස්සේ එයා එක රූපයක් බෙතෙල්වලත්+ අනිත් රූපය දාන්වලත්+ තිබ්බා. 30 ඒක නිසා සෙනඟ බරපතළ වරදක් කරන්න පෙලඹුණා.+ මිනිස්සු වස්සාට නමස්කාර කරන්න දාන් වෙන කල් ගියා.

25 යෙහෝවා වැරදියි කියලා සලකන දේවල් හිතාමතාම කරපු ආහබ් වගේ රජ කෙනෙක් මේ වෙන කල් ඉඳලා නැහැ.+ එයා හැම තිස්සේම වගේ එයාගේ බිරිඳ වන යෙසබෙල්ගේ පදේට නැටුවා.+ 26 යෙහෝවා ඊශ්‍රායෙල්වරු ඉස්සරහින් පන්නලා දාපු+ අමෝරිවරු වගේ එයාත් පිළිකුල් රූපවලට* නමස්කාර කළා. ඒ විදිහට එයා කරන්න පුළුවන් හැම පිළිකුල් දෙයක්ම කළා.’”