6 එතකොට සැබෑ දෙවියන් එයාට මෙහෙම කිව්වා. “මම දන්නවා ඔයා මේක දැනගෙන කරපු දෙයක් නෙමෙයි කියලා. එයාට අත තියලා මට විරුද්ධව වරදක් කරන එකෙන් මං ඔයාව වැළැක්වුවේ ඒ නිසයි.

12 ඒත් ඔයාලාගේ දෙවි වන යෙහෝවා ඉස්සරහා සේවය කරන පූජකයා නැත්නම් විනිශ්චයකරු කියන දේ කවුරු හරි කෙනෙක් ගණන් ගන්නේ නැතුව එයාට හිතෙන විදිහට දේවල් කරනවා නම් එයාව මරලා දාන්න.+ ඒ විදිහට ඔයාලා ඊශ්‍රායෙල් සෙනඟ අතරින් ඒ දුෂ්ට දේ අයින් කරන්න.+

23 කැරලිගහනවා+ කියන්නේ පේන කියන එක තරම්ම බරපතළ වරදක්.+ අහංකාරකම* කියන්නේ මන්තර ගුරුකම් සහ රූප* නමස්කාර කරන එක තරම්ම දුෂ්ට දෙයක්. ඔයා යෙහෝවා කියපු දේ ප්‍රතික්ෂේප කරපු නිසා+ ඔහුත් ඔයාව ප්‍රතික්ෂේප කරලා රජකමෙන් අයින් කරනවා.”+

7 ඒ වෙලාවේ යෙහෝවාට උස්සාහ් එක්ක හුඟක් කේන්ති ගියා. උස්සාහ් කරපු ඒ අගෞරවනීය දේ+ නිසා සැබෑ දෙවියන් එයාට පහර දුන්නා.+ සැබෑ දෙවියන්ට අයිති ගිවිසුම් පෙට්ටිය ළඟම එයා මැරිලා වැටුණා.

16 ඒත් එයා බලවත් පාලකයෙක් වුණ ගමන්ම එයාගේ හිතේ ලොකු උඩඟුකමක් ඇති වුණා. කොච්චර උඩඟු වුණාද කියනවා නම් අන්තිමේදී ඒක එයාගේ විනාශයට හේතු වුණා. සුවඳ ද්‍රව්‍ය ඔප්පු කරන පූජාසනය උඩ සුවඳ ද්‍රව්‍ය දවන්න හිතාගෙන උසියා යෙහෝවාගේ මාලිගාවට ඇතුල් වුණා.+ ඒ විදිහට එයා එයාගේ දෙවි වන යෙහෝවාට විරුද්ධව වරදක් කළා. 17 එයා එතනට ගිය ගමන්ම පූජක අෂරියා සහ යෙහෝවා දෙවියන්ගේ පූජකයන් වුණ, එඩිතරව වැඩ කරපු තවත් 80දෙනෙක් එයා හිටපු තැනට ගියා. 18 එයාලා උසියා රජට කෙළින්ම මෙහෙම කිව්වා. “උසියා, යෙහෝවාට සුවඳ ද්‍රව්‍ය ඔප්පු කරන එක ඔබට අයිති දෙයක් නෙමෙයි.+ සුවඳ ද්‍රව්‍ය ඔප්පු කරන්න පුළුවන් පූජකයන්ට විතරයි. මොකද ආරොන්ගෙන් පැවතෙන ඒ අයව තමයි ඒක කරන්න දෙවියන් තෝරගත්තේ.+ දැන් ශුද්ධස්ථානයෙන් එළියට යන්න. ඔබ කරපු දේ වැරදියි. ඉතින් ඔබට යෙහෝවා දෙවියන්ගෙන් කිසිම ගෞරවයක් ලැබෙයි කියලා හිතන්න එපා.”