• ද්විතීය කතාව 28:28, 29
    ශුද්ධ බයිබලය - නව ලොව පරිවර්තනය

    • 28 යෙහෝවා ඔයාලාගේ සිහිය විකල් කරයි. ඔයාලාගේ පෙනීම නැති කරලා+ ඔයාලව ඒ මේ අත යන්න සලස්වයි. 29 අන්ධ මනුස්සයෙක් අත පත ගගා යනවා වගේ ඔයාලත් මහ දවාලේ අත පත ගගා යයි.+ ඔයාලා කරන කිසිම දෙයක් සාර්ථක වෙන්නේ නැහැ. ඔයාලා නිතරම හොරුන්ටයි, වංචාකාරයන්ටයි ගොදුරු වෙයි. ඔයාලාගේ උදව්වට කවුරුත් එන්නේ නැහැ.+

  • යෙසායා 59:9, 10
    ශුද්ධ බයිබලය - නව ලොව පරිවර්තනය

    •  9 ඒ නිසයි යුක්තිය අපෙන් දුරස් වෙලා තියෙන්නේ.

      ධර්මිෂ්ඨකම අපිව හොයාගෙන එන්නේ නැත්තේ.

      අපි ආලෝකය උදා වෙන කල් බලාගෙන හිටියත් තියෙන්නේ අන්ධකාරය විතරයි.

      දීප්තිමත් දවසක් දිහා බලාගෙන හිටියත් අපි ගමන් කරන්නේ ගන අඳුරේ.+

      10 අපි තාප්පයක් අල්ලගෙන ඇවිදින අන්ධයන් වගෙයි.

      ඇස් පේන්නේ නැති අය වගේ අපි අත පත ගගා ඇවිදිනවා.+

      හරියට අඳුරේ පැටලිලා වැටෙන අය වගේ අපි මහ දවාලේ පැටලිලා වැටෙනවා.

      ශක්තිමත් අය අතරේ ඉද්දී අපි හරියට මැරුණ අය වගෙයි.