16 යොහන් කියපු මේ දෙයින් එයාලාගේ ඒ ප්‍රශ්නෙට උත්තරේ ලැබුණා. “මං ඔයාලව බව්තීස්ම කරන්නේ වතුරෙන්. ඒත් මට වඩා බලවත් කෙනෙක් එනවා. ඔහුගේ පාවහන්වල පටි ලිහන්න තරම්වත් මං වටින්නේ නැහැ.+ ඔහු දෙවියන්ගේ බලයෙන් සහ ගින්නෙන් ඔයාලව බව්තීස්ම කරයි.+ 17 ඔහු දැනටමත් ධාන්‍ය පොළන ආයුධය* අතට අරගෙනයි තියෙන්නේ. ඒ, ඔහුගේ කමත සම්පූර්ණයෙන්ම පිරිසිදු කරලා තිරිඟු ටික ඔහුගේ ගබඩාවට රැස් කරන්නයි. ඒත් දහයියා ටික ඔහු කාටවත් නිවලා දාන්න බැරි ගින්නකින් පුච්චලා දානවා.”