21 ඒ වෙලාවේ ඉඳන් යේසුස් ගෝලයන්ට මේ දේවල් පැහැදිලි කරන්න පටන්ගත්තා. ඔහුට යෙරුසලමට යන්න වෙනවා කියලත් එහෙදී වැඩිමහල්ලන්, නායක පූජකයන් සහ නීතිය පිටපත් කරන අය නිසා ඔහුට හුඟක් දුක් විඳින්න වෙනවා කියලත් ඔහුව මරලා දානවා කියලත් තුන්වෙනි දවසේදී ඔහුව නැවත නැඟිට්ටවනවා කියලත් ඔහු පැහැදිලි කළා.+

22 එයාලා ගලීලයේදී එකට රැස් වෙලා ඉද්දී යේසුස් ගෝලයන්ට මෙහෙම කිව්වා. “මනුෂ්‍ය පුත්‍රයාව ඔහුගේ සතුරන් අතට පාවලා දෙනවා.+ 23 එයාලා ඔහුව මරලා දායි. ඒත් තුන්වෙනි දවසේ ඔහුව මරණයෙන් නැඟිට්ටවනවා.”+ ඒක අහලා එයාලා ගොඩක් දුක් වුණා.

31 ඒ වගේම මනුෂ්‍ය පුත්‍රයා ගොඩක් දුක් විඳින්න ඕනෙ කියලත් වැඩිමහල්ලන්, නායක පූජකයන් සහ නීතිය පිටපත් කරන අය ඔහුව ප්‍රතික්ෂේප කරනවා කියලත් මිනිස්සු ඔහුව මරලා දානවා+ කියලත් දවස් තුනකින් ඔහුව නැඟිට්ටවනවා+ කියලත් ඔහු එයාලට පැහැදිලි කරන්න පටන්ගත්තා.

44 “මං දැන් කියන මේ දේ හොඳට හිතට අරන් ඒක මතක තියාගන්න. මනුෂ්‍ය පුත්‍රයාව ඔහුගේ සතුරන් අතට පාවලා දෙනවා.”+ 45 ඔහු කියපු ඒ දේ එයාලට තේරුණේ නැහැ. මොකද ඒක තේරුම්ගන්න ඕනෙ කරන අවබෝධය ඒ වෙලාවේ එයාලට ලැබිලා තිබුණේ නැහැ. ඒත් ඔහුගෙන් ඒ ගැන ප්‍රශ්න අහන්න එයාලා බය වුණා.