යෙසායා
21 මුහුද වගේ තියෙන පාළුකරයට* විරුද්ධව දුන්න තීන්දුව මේකයි.+
විපතක් එයි. ඒක හරියට දකුණු දිශාවෙන් එන බිහිසුණු කුණාටුවක් වගෙයි.
ඒක එන්නේ පාළුකරයෙන්, භයානක දේශයකින්.+
2 දරුණු සිද්ධීන් ඇතුළත් දර්ශනයක් මට පෙන්නුවා.
වංචාකාරයා වංචනික වැඩ කරනවා.
විනාශ කරන්නා විනාශකාරී වැඩ කරනවා.
ඒලාම්වරුනි, පහර දෙන්න! මේදියවරුනි,+ දේශය වටලන්න!
ඇය* මිනිස්සු පිටට ගෙනාපු දුක් පීඩා හැම එකක්ම මම නවත්තනවා.+
3 ඒ දර්ශනය නිසා මගේ හිතට ලොකු වේදනාවක් දැනෙනවා.+
දරුවෙක් බිහි කරන ස්ත්‍රියකට ඇති වෙන වේදනාව වගේ ලොකු වේදනාවක් මට දැනෙනවා.
ඇහුම්කන් දෙන්න බැරි තරමටම මගේ හිත අවුල් වුණා.
කිසිම දෙයක් බලන්න බැරි තරමටම මගේ හිත කැලඹුණා.
4 මගේ හිතේ තියෙන සවිය නැති වෙලා. මම බයෙන් ගැහෙනවා.
මං ආසාවෙන් හිටපු සවස් කාලය උදා වෙද්දී දැන් මට දැනෙන්නේ ලොකු බයක්.
5 කෑම මේසයත් ඉඳගන්න තැනුත් සූදානම් කරන්න.
ඇති තරම් කන්න, බොන්න!+
පාලකයෙනි, දැන් නැඟිටින්න! පලිහට තෙල් ආලේප කරන්න.*
6 යෙහෝවා දෙවියන් මට මෙහෙම කිව්වා.
“දැන් ගිහින් මුරකරුවෙක්ව පත් කරන්න. ඔහු දකින දේ වාර්තා කරන්න කියලා කියන්න.”
7 මුරකරු අශ්වයන් දෙන්නෙක් බැඳපු යුධ රථයකුත්
බූරුවන් බැඳපු යුධ රථයකුත්
ඔටුවන් බැඳපු යුධ රථයකුත් දැක්කා.
ඔහු ඒ දිහා හොඳට බැලුවා. හරිම සෝදිසියෙන් බැලුවා.
8 ඊටපස්සේ ඔහු සිංහයෙක් ගර්ජනා කරනවා වගේ කෑගහලා මෙහෙම කිව්වා.
“යෙහෝවා දෙවියනි, මම මුරකොටුවට වෙලා දවස පුරාම බලාගෙන ඉන්නවා.
මගේ මුරපොළට වෙලා රෑ පුරාම බලාගෙන ඉන්නවා.+
9 අන්න ඒ අය එනවා!
මිනිස්සු අශ්ව රථවල නැඟලා එනවා.”+
ඊටපස්සේ මුරකරු මෙහෙම කිව්වා.
“ඇය වැටුණා! බැබිලෝනිය වැටුණා!+
ඇගේ දෙවිවරුන්ගේ රූප හැම එකක්ම කෑලි කෑලිවලට කැඩිලා පොළොවටම සමතලා වුණා.”+
10 පාගලා දැම්ම මගේ සෙනඟෙනි,
ඔබ මගේ කමතේදී පාගලා ලැබුණ ධාන්‍ය* වගෙයි.+
ඊශ්‍රායෙල්වරුන්ගේ දෙවියන් සහ ස්වර්ගයේ සේනාවල අධිපති වන යෙහෝවා මට කියපු දේවල් මං ඔබට දැනුම් දුන්නා.
11 දූමා* දේශයට විරුද්ධව දුන්න තීන්දුව මේකයි.
කෙනෙක් සේයිර්වල+ ඉඳන් කතා කරලා මගෙන් මෙහෙම ඇහුවා.
“මුරකරුව, එළිය වැටෙන්න තව කොච්චර වෙලා තියෙනවාද?
මුරකරුව, එළිය වැටෙන්න තව කොච්චර වෙලා තියෙනවාද?”
12 එතකොට මුරකරු මෙහෙම උත්තර දුන්නා.
“එළිය වැටෙයි. රාත්‍රියත් උදා වෙයි.
දැනගන්න කැමති නම් ඇවිත් අහන්න.
ආයෙත් එන්න!”
13 කාන්තාරයට* විරුද්ධව දුන්න තීන්දුව මේකයි.
දෙදාන්වල+ තවලම්කරුවෙනි,
ඔබට රාත්‍රිය ගත කරන්න වෙන්නේ කාන්තාරයේ ගස් තියෙන තැනකයි.
15 මොකද ඔවුන් පලා යන්නේ කඩුවලින් බේරෙන්නයි. කොපුවෙන් ඇදගත්ත කඩුවලින් බේරෙන්නයි.
විදින්න සූදානම් කරපු දුන්නෙන් බේරෙන්නයි. දරුණු යුද්ධයකින් බේරෙන්නයි.
16 යෙහෝවා දෙවියන් මට මෙහෙම කිව්වා. “හරියටම අවුරුද්දක් ඇතුළත කේදාර්වල+ තේජස සම්පූර්ණයෙන්ම නැති වෙලා යනවා. ඒ කාලය ගණන් කරන්නේ කුලීකරුවෙක්ගේ සේවා කාලය ගණන් කරන විදිහටමයි.* 17 කේදාර්වල සෙබළුන්ගෙන් ඉතුරු වෙන්නේ දුනුවායන් අතළොස්සක් විතරයි. ඒ දේ කියන්නේ ඊශ්‍රායෙල්වරුන්ගේ දෙවි වන යෙහෝවායි.”