ගීතාවලිය

127 යෙහෝවා නිවස ගොඩනඟන්නේ නැත්නම්

ගොඩනඟන අය කොච්චර මහන්සි වුණත් වැඩක් නැහැ.+

යෙහෝවා නුවර ආරක්ෂා කරන්නේ නැත්නම්+

මුරකරු අවදි වෙලා හිටියාට කිසිම පලක් නැහැ.

 2 දෙවියන්ගේ ආශීර්වාදය නැත්නම්

කෑම හොයාගන්න ඔබ උදෙන්ම අවදි වෙලා

රෑ වෙන කල් මහන්සි වෙලා වැඩ කළත් කිසිම වැඩක් නැහැ.

ඒත් දෙවියන් ඔහුගේ ආදරය දිනාගත්ත අයට

අවශ්‍ය දේවල් වගේම සැපවත් නින්දක් ලබා දෙනවා.+

 3 දරුවෝ* යෙහෝවාගෙන් ලැබෙන උරුමයක්.+

දූපුතුන්* ඔහුගෙන් ලැබෙන තෑග්ගක්.+

 4 තරුණ වයසේදී ලැබෙන දරුවන්

බලවත් මිනිසෙක්ගේ අතේ තියෙන ඊතල වගේ.+

 5 තමන්ගේ ඊකොපුව ඊතලවලින් පුරවගත්ත මිනිසා ඉන්නේ සතුටින්.+

ඔවුන්* ලැජ්ජාවට පත් වෙන්නේ නැහැ.

මොකද ඔවුන්* නුවරේ දොරටු ළඟදී සතුරන්ට විරුද්ධව කතා කරනවා.