නාහුම්
1 මේ, එල්කොෂ් නගරයේ වැසියෙක් වන නාහුම්ට* ලැබුණු දර්ශනය සඳහන් ලියවිල්ලයි. මේ ලියවිල්ලේ සඳහන් වෙන්නේ නිනිවයට+ විරුද්ධව දුන්න තීන්දුව ගැනයි.
2 යෙහෝවා දෙවියන් බලාපොරොත්තු වෙනවා මිනිසුන් ඔහුට මුළු හිතින්ම ආදරේ කරලා ඔහුට විතරක් නමස්කාර කරයි කියලා.+
ඔහු දුෂ්ටයන්ට දඬුවම් කරනවා. යෙහෝවා තමන්ගේ සතුරන්ට දඬුවම් කරලා ඔවුන්ට විරුද්ධව ඔහුගේ කේන්තිය පිට කරනවා.+
යෙහෝවාට තමන්ගේ සතුරන් ගැන තියෙන්නේ දැවෙන කෝපයක්. ඔවුන්ට ලැබිය යුතු දඬුවම ඔහු ලබා දෙනවා.
3 යෙහෝවා බලවත්+ දෙවි කෙනෙක් වුණත් ඔහු ඉක්මනින් කේන්ති ගන්නේ නැහැ.+
ඒත් යෙහෝවා කවදාවත් වරදකරුවන්ට ලැබෙන්න ඕනෙ දඬුවම නොදී ඉන්නේ නැහැ.+
ඔහු ගමන් කරන්නේ සැඩ සුළං සහ කුණාටු මැදින්.
වලාකුළු පේන්නේ ඔහුගේ ගමන් මඟේ ඇවිස්සුණු දූවිලි වගේ.+
බාෂාන් සහ කර්මෙල් වියළී යයි.+
ලෙබනොන්වල මල් පරවී යයි.
ඔහු ඉදිරියේ භූමිය කම්පනය වෙයි.
පොළොවත් ඒකේ ජීවත් වෙන හැමෝමත් බයෙන් වෙවුලයි.+
6 දෙවියන්ගේ උදහසට මුහුණ දෙන්න පුළුවන් කාටද?+
ඔහුගේ දැවෙන කෝපය දරාගන්න පුළුවන් කාටද?+
ඔහු තමන්ගේ කෝපය ගින්නක් වගේ පිට කරයි.
ඔහු නිසා පර්වත පවා සුනුවිසුනු වෙලා යයි.
ඔහුගෙන් රැකවරණය පතන්නේ කවුද කියලා ඔහු දන්නවා.*+
8 හැම දේම විනාශ කරන ජලගැල්මකින් ඔහු නුවර නැත්තටම නැති කරයි.
අන්ධකාරය ඔහුගේ සතුරන් පස්සේ පන්නගෙන යයි.
9 ජනයෙනි, යෙහෝවාට විරුද්ධව කුමන්ත්‍රණය කරන්න පුළුවන් කියලා ඔබ හිතනවාද?
ඔහු ඔබව සම්පූර්ණයෙන්ම විනාශ කරනවා.
ආයෙත් වතාවක් විනාශයක් ගේන්න අවශ්‍ය වෙන්නේ නැහැ.+
10 ඔවුන් හරියට එකට පැටලුණු කටු වැලක් වගේ.
බීරවලින්* වෙරි වෙලා ඉන්න අය වගේ.
ඒත් ඔවුන් පිදුරු වගේ දැවිලා යනවා.
11 යෙහෝවාට විරුද්ධව කූට උපායන් යොදන කෙනෙක් ඔබ අතරින් එයි.
ඔහු කිසි වැඩකට නැති උපදෙස් දෙයි.
12 යෙහෝවා මෙහෙම කියනවා.
“ඔවුන් හුඟක් බලවත්, විශාල සෙනඟක්.
ඒත් ඔවුන්ව විනාශ කරයි. ඔවුන් නැති වෙලාම යයි.*
යූදා සෙනඟෙනි, මම ඔබට දුක් විඳින්න ඉඩ දුන්නත් ආයෙත් නම් එහෙම වෙන්න ඉඩ දෙන්නේ නැහැ.
14 යෙහෝවා වන මම ඔබ* ගැන මෙහෙම නියෝග කරලා තියෙනවා.
‘ඔබේ නමින් ආයේ කවදාවත් පරම්පරාවක් බිහි වෙන්නේ නැහැ.
ඔබේ දේවාලවල තියෙන කැටයම් කරපු රූපත් ලෝහවලින්* හදපු පිළිමත් මම විනාශ කරනවා.
ඔබ මට පිළිකුලක්! ඒ නිසා මම ඔබට සොහොන් ගෙයක් සූදානම් කරනවා.’
යූදා වැසියෙනි, ආයෙත් ඔබේ උත්සව සමරන්න.+ ඔබ දුන්න පොරොන්දු ඉටු කරන්න.
මොකද කිසි කමකට නැති අය ආයේ කවදාවත් ඔබේ දේශයට එන්නේ නැහැ.
ඔවුන්ව සම්පූර්ණයෙන්ම විනාශ කරනවා.”
2 මිනිසුන්ව සීසීකඩ යවන කෙනෙක් ඔබට* විරුද්ධව ඇවිල්ලා.+
ඔබේ බලකොටු ආරක්ෂා කරගන්න. ඔබේ පාරවල් මුර කරන්න.
සටනට සූදානම් වෙන්න.*
ඔබේ සවිශක්තිය වැඩි කරගන්න.
2 මොකද යෙහෝවා යාකොබ්ගේ ගෞරවය වගේම
ඊශ්‍රායෙල්ගේ ගෞරවයත් කලින් තිබුණු තත්වයටම ගේනවා.
මොකද විනාශ කරන්නෝ ඔවුන්ගේ දේශය විනාශ කළා.+
ඒකේ මිදිවැල්වල අතු කපලා දැම්මා.
3 ඔහුගේ හමුදාවේ බලවන්තයෝ තද රතු පාට ඇඳුම්වලින් සැරසිලා ඔබට පහර දෙන්න සූදානමින් ඉන්නවා.
ඔවුන් රතු තීන්ත ආලේප කරපු පලිස් අතේ තියාගෙන ඉන්නවා.
ජුනිපර් ලීවලින් හදාගත්ත හෙල්ල උස්සගෙන ඉන්නවා.
ඔවුන්ගේ යුධ රථවලට සවි කරලා තියෙන යකඩ කොටස් ගිනිදලු වගේ දිදුලනවා.
4 යුධ රථ වියරුවෙන් වගේ වීථිවල ගමන් කරනවා.
ඒවා ප්‍රධාන හන්දිවල විදුලි වේගයෙන් එහේ මෙහේ යනවා.
ඒවා හරියට ගිනිදැල් වගේ. අකුණු සැර වගේ.
5 රජතුමා තමන්ගේ නිලධාරීන්ව යුද්ධයට කැඳවනවා.
ඔවුන් වැටිවැටී ඉදිරියට ගමන් කරනවා.
ඔවුන් නගරයේ පවුරු දිහාවට දුවලා ගිහින්
ඒකේ ආරක්ෂාව තර කරනවා.
6 ඒත් ගංගාවල දොරටු විවෘත වෙලා රජමාලිගාව වතුරට යට වෙලා යයි.*
7 නගරයට විරුද්ධව තීන්දුවක් දීලයි තියෙන්නේ.*
ඇයව නිරුවත් කරලා නින්දාවට පත් කරයි. සතුරා ඇයව වහල්කමට අරන් යයි.
ඇගේ දාසීන් පපුවට ගගහා පරෙවියන් වගේ දුකින් හඬ නඟයි.
සමහර අය “යන්න එපා! යන්න එපා” කියලා කෑගැහුවත්
කිසි කෙනෙක් හැරිලා එන්නේ නැහැ.+
9 නගරයේ තියෙන රන් රිදී කොල්ල කන්න.
එහේ ඇති තරම් වස්තු තියෙනවා.
වටිනා දේවල් පිරිලා තියෙනවා.
10 නගරය හිස් වෙලා. ඒක නාස්ති වෙලා පාළුවට ගිහින්.+
එහේ වැසියන්ගේ හදවත් බයෙන් ගැහෙයි. ඔවුන්ගේ කකුල් වෙවුලයි.
තුනටි කකියයි. ඔවුන්ගේ මුහුණු සුදුමැලි වෙලා.
11 සිංහයන්ගේ ගුහාවට මොකද වුණේ?+
තරුණ සිංහයෝ* ගොදුරු කාපු තැනට මොකද වුණේ?
සිංහයෝ උන්ගේ පැටව් එක්ක ඒකෙන් එළියට ඇවිත් නිදැල්ලේ ඇවිදිද්දී
උන්ව බය කරන්න කිසි කෙනෙක් හිටියේ නැහැ.
12 සිංහයා ගොදුර බෙල්ලෙන් අල්ලලා සිංහධේනුවන්ට කන්න දුන්නා.
ඌ ගොදුර කෑලි කෑලිවලට ඉරලා පැටවුන්ට ඇති තරම් කන්න දුන්නා.
උගේ ගුහාව දඩයම් කරපු සතුන්ගෙන් පිරිලා තිබුණා.
ඌ ඉරලා දාපු සතුන්ගේ මස් ගුහාව පුරාම තිබුණා.
13 ස්වර්ගයේ සේනාවල අධිපති වන යෙහෝවා+ මෙහෙම කියනවා.
“මම ඔබට විරුද්ධව එනවා. ඔබේ යුධ රථ ගින්නෙන් විනාශ කරනවා.+
ඔබේ තරුණ සිංහයෝ කඩුවෙන් මැරුම් කයි.
මිනිසුන්ව ගොදුරු කරගන්න මම ආයෙත් ඔබට ඉඩ දෙන්නේ නැහැ.
ඔබේ පණිවිඩකරුවන්ගේ හඬ තවදුරටත් ඔබට අහන්න ලැබෙන්නේ නැහැ.”+
3 ලේ පිපාසිත නගරයට අත් වෙන්නේ මොන තරම් විපතක්ද!
ඇගේ වංචා, දූෂණ, කොල්ල කෑම්වලට නිමාවක් නැහැ.
නිතර දෙවේලේ ඇගේ කටේ ගොදුරක් දකින්න තියෙනවා.
2 අශ්ව රථ කලබලෙන් එහේ මෙහේ යන හඬ ඇගේ වීථිවල ඇහෙයි.
අශ්වයන් පිම්මේ දුවන හඬත් රෝද කැරකෙන හඬත් කස පහරේ හඬත් ඇහෙයි.
3 අසරුවෝ වේගයෙන් ඉදිරියට ඇදී එයි.
කඩු ගිනිදලු වගේ දිස් වෙයි. හෙල්ල දිදුලයි.
බලන බලන තැන මළ මිනී ගොඩගහලා.
පය තියන්නවත් ඉඩක් නැහැ.
4 මේ හැම දේම වුණේ ඒ ගණිකාව සීමාවක් නැතුව වේශ්‍යාකම් කරපු නිසයි.
හිත වශී කරවන ඇය දක්ෂ මායාකාරියක්.
ඇය වේශ්‍යාකම් කරලා ජාතීන්ව අහු කරගෙන.
මන්තර ගුරුකම් කරලා මිනිසුන්ව පවුල් පිටින් අල්ලගෙන.
5 ස්වර්ගයේ සේනාවල අධිපති වන යෙහෝවා+ මෙහෙම කියනවා.
“මම ඔබට* විරුද්ධව එනවා.
මම ඔබේ ඇඳුම් ගලවලා ජාතීන්ට ඔබේ නිරුවතත්
රාජ්‍යයන්ට ඔබේ නින්දාවත් දකින්න සලස්වනවා.
6 මම ඔබ පිටට කුණුකසළ වීසි කරලා
අනිත් අයට ඔබව පිළිකුලක් වෙන්න සලස්වනවා.
ඔබට වෙන දේ දැකලා හැමෝම බය වෙයි.+
7 ඔබව දකින හැමෝම බය වෙලා ‘නිනිවය විනාශ වෙලා ගිහින්!
ඇයව සනසන්න කවුරුත්ම නැහැ’ කියලා ඔබව අත්හැරලා යයි.+
ඔබව සනසන්න කෙනෙක්ව මම කොහෙන් හොයාගන්නද?
8 නයිල් ගඟ+ ළඟ තිබුණ නෝආමෝන්*+ නගරයට වඩා ඔබ බලවත් කියලා හිතනවාද?
ඇය ජලාශවලින් වට වෙලයි හිටියේ.
මුහුද ඇයට පවුරක් වගේ වුණා. ඇයව ධනවත් කළෙත් මුහුදයි.
9 ඉතියෝපියාව ඇගේ සවිය වුණා. ඊජිප්තුවත් නොඅඩුව ඇයට සහය දුන්නා.
පූට්+ ජාතිකයොත් ලිබියාවේ වැසියොත් ඇයට උදව් කළා.+
සතුරෝ දාදු දාලා ගෞරවය හිමි පුරුෂයන්ව තමන් අතරේ බෙදාගත්තා.
ඔවුන්ගේ ශ්‍රේෂ්ඨ පුරුෂයන් හැමෝවම විලංගුවලින් හිර කළා.
සතුරාගෙන් ආරක්ෂා වෙන්න තැනක් හොයහොය යයි.
12 ඔබේ හැම බලකොටුවක්ම, පළවෙනි වතාවට පල දරන අත්තික්කා ගස් වගේ.
ඒ ගස් හොල්ලපු ගමන්ම අත්තික්කා ගෙඩි කෑදරයන්ගේ කටට වැටෙයි.
13 ඔබේ සෙබළු හරියට ස්ත්‍රීන් වගෙයි.
සතුරන් එද්දී ඔබේ දේශයේ දොරටු සම්පූර්ණයෙන්ම ඇරලා තියෙයි.
දොරටුවල අගුලු ගින්නෙන් දැවිලා යයි.
14 සතුරු සේනා ඔබව වටලන්න කලින්, වතුර එකතු කරගන්න.+
ඔබේ බලකොටුවල ආරක්ෂාව තර කරගන්න.
මැටි පාගලා බදාම සකස් කරගන්න.
ගඩොල් අච්චුව සූදානම් කරගන්න.
15 ඒ මොන දේ කළත් ගින්නෙන් සහ කඩුවෙන් ඔබ විනාශ වෙලා යනවා.+
පළඟැටියන් දේශය වනසනවා වගේ ඒවා ඔබව නැති කරලා දානවා.+
ඒ නිසා ඔබේ සෙනඟ වැඩි කරගන්න.
පළඟැටියන් සහ පළඟැටි පිලවුන් සේනාවක් වගේ වැඩි වෙන්න.
16 ඔබ ඔබේ වෙළඳුන්ගේ ගාණ අහසේ තරුවලටත් වඩා වැඩි කරගෙන.
පළඟැටි පිලවුන් උන්ගේ හම ඉවත් කරලා ඉගිල්ලිලා යයි.
17 ඔබේ මුරකරුවන් ඒ පළඟැටියන් වගේ.
හමුදා නිලධාරීන් පළඟැටි සේනාවක් වගේ.
ශීත කාලයේදී පළඟැටියෝ ගල් පවුරුවල කුහර අතරේ හැංගිලා ඉන්නවා.
ඒත් හිරුරැස් විහිදුණු ගමන්ම උන් හැංගිලා හිටපු තැන්වලින් එළියට ඇවිත් ඉගිල්ලිලා යයි.
ඊටපස්සේ උන්ව හොයාගන්නවත් ලැබෙන්නේ නැහැ.
18 ඇසිරියාවේ රජ්ජුරුවෙනි, ඔබේ එඬේරු නිදිකිරා වැටෙනවා.
ඔබේ වංශවත් අය ඔවුන්ගේ ගෙවල්වලට වෙලා විවේක සුවයෙන් ඉන්නවා.
ඔබේ රට වැසියෝ කඳුකරය පුරා විසිරිලා ගිහින්.
ඔවුන්ව ආයෙත් එක් රැස් කරගන්න කවුරුත් නැහැ.+
19 මේ විපතෙන් ගොඩ එන්න ඔබට බැහැ.
ඔබේ තුවාලය සුව වෙන්නෙත් නැහැ.
ඔබට සිද්ධ වුණ දේ ගැන අහන හැමෝම සතුටින් අත්පොළසන් දෙයි.+
මොකද ඔබේ අසීමිත කුරිරුකම්වලින් දුක් නොවින්ද කෙනෙක් හොයාගන්න බැරි තරම්!”+
තේරුම, “සනසන්නා.”
හෝ, “පතන අයව ඔහු රැකබලා ගන්නවා.”
හෝ, “තිරිඟුවලින් හදන බියර්වලින්.”
හෝ සමහරවිට, “ඔහු දේශය මැදින් යයි.”
ඒ කියන්නේ ඇසිරියාව.
හෝ, “ලෝහ උණු කරලා.”
ඒ කියන්නේ නිනිවය.
මූ.අ., “ඔබේ ඉඟටිය තදින් බැඳගන්න.”
හෝ, “කඩන් වැටෙයි.” මූ.අ., “දිය වෙලා යයි.”
හෝ, “දුන්න තීන්දුව වෙනස් වෙන්නේ නැහැ.”
හෝ, “කේශර සිංහයෝ.”
ඒ කියන්නේ නිනිවයට.
ඒ කියන්නේ තීබ්ස්.