පාදසටහන

c මෙය ක්‍රිස්තියානි ලෝකයේ නිකායන් ගණනාවක් විසින් කරනු ලැබූ වැරැද්දකි. ලුතරන් වනාහි මාටින් ලූතර්ගේ එදිරිවාදීන් ඔහුගේ අනුගාමිකයන්ට ලබා දුන්නාවූද, පසුව ඔවුන් විසින් අදාළ කරගනු ලැබුවාවූද විකට නාමයකි. සමානාකාරයෙන්, බැප්ටිස්ට්වරුද තමන් ජලයේ ගිල්වීමෙන් කරන බව්තීස්මයක් දේශනා කිරීම හේතුවෙන් පිටස්තරයන් ඔවුන්ට ලබා දුන් විකට නාමය ආරූඪ කරගත්ග. බොහෝදුරට එයට සමානව, මෙතොදිස්තවරුන් අදාළ කරගත්තේ පිටස්තරයෙකු විසින් දෙනු ලැබූ නාමයකි. සොසයටි ඔෆ් ෆ්‍රෙන්ඩ්ස් යන සමිතිය ක්වේකර් යන නමින් හඳුන්වන්ට යෙදුණු ආකාරය පිළිබඳව, ද වර්ල්ඩ් බුක් එන්සයික්ලොපීඩියා මෙසේ පවසයි: “ක්වේකර් යන නාමය මුලින් පාවිච්චි කරනු ලැබුවේ, ඉංග්‍රීසි ජාතික විනිශ්චකරුවෙකුට ‘ස්වාමීන්වහන්සේගේ වචනය හමුවේ වෙව්ලන්නැ’යි පැවසූ, [එහි නිර්මාතෘවර] ෆොක්ස්ට නිග්‍රහ කිරීම සදහාය. එම විනිශ්චකරුවා ෆොක්ස්ව ‘ක්වේකර්’ කෙනෙකු [වෙවුලන්නෙකු] යයි හැඳින්වීය.”