7 ක්‍රිස්තුස් පැමිණ සිටින කාලය
මතෙව් 24:3—ග්‍රීක බසින්, පරූසියා
1864 |
|
The Emphatic Diaglott (J21), by Benjamin Wilson, New York and London. |
1897 |
|
The Emphasised Bible, by J. B. Rotherham, Cincinnati. |
1903 |
|
The Holy Bible in Modern English, by F. Fenton, London. |
1950 |
|
New World Translation of the Christian Greek Scriptures, Brooklyn. |
පරූසියා යන වචනය ඉහත සඳහන් ආකාරයට පරිවර්තනය කර ඇති වෙනත් බයිබල් අනුවාද කිහිපයක් මතු දැක්වේ.
පරූසියා යන ග්‍රීක වචනය ක්‍රිස්තියානි ග්‍රීක ලියවිල්ලෙහි ස්ථාන 24ක දැකගත හැක. එම ස්ථාන මතු දැක්වේ. මතෙව් 24:3, 27, 37, 39; 1 කොරින්ති 15:23; 16:17; 2 කොරින්ති 7:6, 7; 10:10; ෆිලිප්පි 1:26; 2:12; 1 තෙසලෝනික 2:19; 3:13; 4:15; 5:23; 2 තෙසලෝනික 2:1, 8, 9; යාකොබ් 5:7, 8; 2 පේතෘස් 1:16; 3:4, 12; 1 යොහන් 2:28. එම වචනයෙන් සරලව අදහස් කරන්නේ යම් කෙනෙකු ළඟට පැමිණ “රැඳී සිටීම” යන්නයි.
පරූසියා යන වචනයට සම්බන්ධ තවත් ග්‍රීක ක්‍රියා පදයක් වන පරෙයිමි ක්‍රිස්තියානි ග්‍රීක ලියවිල්ලෙහි 24 වාරයක් දක්නට ලැබේ. එම ස්ථාන මතු දැක්වේ. මතෙව් 26:50; ලූක් 13:1; යොහන් 7:6; 11:28; ක්‍රියා 10:21, 33; 12:20; 17:6; 24:19; 1 කොරින්ති 5:3, 3; 2 කොරින්ති 10:2, 11; 11:9; 13:2, 10; ගලාති 4:18, 20; කොලොස්සි 1:6; හෙබ්‍රෙව් 12:11; 13:5; 2 පේතෘස් 1:9, 12; එළිදරව් 17:8.
පරූසියා යන වචනය “පැමිණීම” යන අර්ථය ඇති එලියුසිස් යන වචනයට වඩා වෙනස්ය. එම වචනය ග්‍රීක පිටපත්වල එක් වතාවක් එනම්, ක්‍රියා 7:52හි දක්නට ලැබේ. එම වචන දෙක එක හා සමාන අදහසක් ඇති වචන දෙකක් නොවේ. එක් මූලාශ්‍රයක මෙසේ සඳහන් වේ. “[පරූසියා සහ පරෙයිමි] යන වචන ක්‍රිස්තුස් මිනිසෙකු ලෙස පැමිණි අවස්ථාව විස්තර කිරීමටවත් ඔහු විනිශ්චය සඳහා නැවත පැමිණෙන අවස්ථාව විස්තර කිරීමටවත් භාවිත කරන්නේ නැත. එවැනි අදහසක් ක්‍රිස්තියානි ඉගැන්වීම්වලට හඳුන්වා දෙනු ලැබුවේ පසු කාලයේදීය. එනම් ජස්ටින් නම් දාර්ශනිකයා විසූ ක්‍රි.ව. දෙවෙනි සියවසට පසුවය. . . . මුල් ක්‍රිස්තියානි ඉගැන්වීම්වල එවැනි මතයක් කිසි ලෙසකින්වත් උගන්වා තිබුණේ නැත.”—Theological Dictionary of the New Testament, Vol. V, p. 865.
ඉස්රේල් පී. වොරන් ඒ ගැන මෙසේ අදහස් පළ කළේය. “සාමාන්‍යයෙන් අප පුරුදු වී සිටින්නේ ක්‍රිස්තුස් ‘දෙවෙනි වරට පැමිණීම,’ හෝ ඔහුගේ ‘නැවත පැමිණීම’ ගැන කතා කිරීමටය. එහෙත් පරූසියා යන වචනය ඒ අර්ථයෙන් ශුද්ධ ලියවිල්ලෙහි භාවිත කර නැත. පරූසියා යන්න භාවිත කර තිබෙන්නේ ඉතා සුවිශේෂ වූ, කලින් සිදු නොවූ, නැවතත් සිදු නොවන කාල පරිච්ඡේදයක් විස්තර කිරීමටය. එය භාවිත කරන්නේ යේසුස් මිනිසුන් ඉදිරියේ පෙනී සිටි අන් සියලු අවස්ථාවලට වඩා වෙනස් හා වැදගත් වූ කාල පරිච්ඡේදයක් විස්තර කිරීම සඳහාය. ඒ අනුව එය අද්විතීය කාල පරිච්ඡේදයක් ලෙස සැලකිය යුතුයි.—The Parousia, Portland, Maine (1879), pp. 12-15.
තවත් කෘතියක මෙසේ සඳහන් වේ. “උසස් නිලතල දරන කෙනෙක්, විශේෂයෙන්ම රජෙක් හෝ පාලකයෙක් තම අණසක යටතේ පවතින ප්‍රදේශය බැහැදැකීමට පැමිණ සිටින අවස්ථාව විස්තර කිරීමට පරූසියා යන වචනය භාවිත කරන ලදි.” (A Greek-English Lexicon of the New Testament and Other Early Christian Literature, by W. Bauer, second English ed., by F. W. Gingrich and F. W. Danker, Chicago and London (1979), p. 63) මතෙව් 24:3; 1 තෙසලෝනික 3:13 සහ 2 තෙසලෝනික 2:1 වැනි පදවල පරූසියා යන වචනය භාවිත කර තිබෙන්නේ පවතින මෙම සමාජයේ අවසාන කාලයේදී ස්වර්ගයේ රජු ලෙස යේසුස් ක්‍රිස්තුස් පැමිණ සිටින කාල පරිච්ඡේදය විස්තර කිරීමටය.