16, 17. (අ) ඉශ්‍රායෙල්වරුන්ව ඇතැම් රෝගවලින් ආරක්ෂා කළේ යෙහෝවඃවහන්සේ දුන් කුමන නීතියද? (ආ) ද්විතීය කථාව 23:12, 13 පිටුපස ඇති ප්‍රතිපත්තිය සෑම නිවසකම අදාළ කළ හැක්කේ කෙසේද?

¹⁶ තවත් උදාහරණයක් සලකා බලන්න. වර්ෂ 3,500කට පමණ පෙර, ඉශ්‍රායෙල් ජනයාට සිය නමස්කාරය මෙන්ම යම් ප්‍රමාණයකට ඔවුන්ගේ දෛනික ජීවිතයද සංවිධානය කිරීම සඳහා දෙවියන්වහන්සේ ස්වකීය ව්‍යවස්ථාව දුන්සේක. සෞඛ්‍ය පිළිබඳ යම් මූලික නීති ස්ථාපිත කිරීම මගින් ජාතිය රෝගවලින් ආරක්ෂා කිරීමට එම ව්‍යවස්ථාව උපකාරවත් විය. ඉන් එක් නීතියකට මිනිස් මලපහ ඉවත් කිරීම සම්බන්ධ විය, එහිදී ජනයා විසූ ප්‍රදේශය අපවිත්‍ර වීමෙන් වැළැක්වීම සඳහා, ඒවා කඳවුරෙන් පිටතට ගෙන ගොස් හොඳින් වළලා දැමීමට තිබිණ. (ද්විතීය කථාව 23:12, 13) එම ඉපැරණි නීතිය තවමත් හොඳ උපදේශයකි. ජනයා එය අනුගමනය නොකරන නිසා අදදින පවා ඔවුහු අසනීපව, මියයති.a