9. මිනිස් පැවැත්මෙන් අවුරුදු දහසක් ගීතිකාකරු සමාන කළේ කුමකටද?

⁹ මිනිසාගේ ආරම්භයේ සිට ගෙවී ගොස් තිබෙන අවුරුදු දහස් ගණන සදාකාලයටම ජීවත් වන මැවුම්කරුට ඉතා කෙටි කාලයක් බව ගීතිකාකරු දේවානුභාවයෙන් ලීවේය. දෙවිව අමතමින් ඔහු මෙසේ ලීවේය. ‘ඔබ [මියයනසුලු, NW] මිනිසාව යළි දූවිල්ලට හරවයි. “මිනිසුනි, දූවිල්ලට හැරේවා” කියා ඔබ පවසයි. ඔබගේ ඇස් ඉදිරියෙහි වසර දහසක් ගෙවී ගිය ඊයේ දවස වැනිය. රැයේ එක යාමයක් වැනිය.’—ගීතාවලිය 90:3, 4, නව අනුවාදය.

11. අපට දිගු කාලයක් දෙවිට ඉතාමත් කෙටි කාලයක් බව පැවසිය හැක්කේ මන්ද?

¹¹ යෙහෝවාගේ මිම්මෙන් බලන කල වයස අවුරුදු 969දී මියගිය මෙතුසෙලා පවා ජීවත් වූයේ දවසකට වඩා අඩු කාලයකි. (උත්පත්ති 5:27) අවුරුදු දහසක් යෙහෝවා ඉදිරියෙහි ඊයේ දවසට, එනම් ගෙවී ගිය පැය 24කට සමානය. දෙවිට අවුරුදු දහසක් රාත්‍රි කාලයේදී කඳවුරක් මුරකරන්නෙකුගේ පැය හතරක මුර කාල සීමාවට සමාන බවත් ගීතිකාකරු සඳහන් කරයි. (විනිශ්චයකාරයන්ගේ පොත 7:19) මෙයින් පැහැදිලි වන්නේ අපට දිගු කාලයක් සදාකාලික දෙවි යෙහෝවාට ඉතාමත් කෙටි කාලයක් බවයි.