17, 18. පාරාදීසයක් දැන් පවතින්නේ කුමන අර්ථයකින්ද, තවද අප කෙරෙහි මෙය කිනම් බලපෑමක් ඇති කරයිද?

¹⁷ එබැවින් යෙසායා 35වන පරිච්ඡේදය දෙස බලන විට, යෙසා 35:1 සිට 8 දක්වා පදවල වත්මන් ඉටුවීම අපට මනසෙහි තබාගත හැක. ආත්මික පාරාදීසයක් ලෙස නිවැරදිව හැඳින්විය හැකි දෙයක් අප සොයාගෙන තිබෙන බව පැහැදිලි නොවේද? එය තවමත් පරිපූර්ණ එකක් නොවන බව සැබෑය. එහෙත් එය සැබවින් පාරාදීසයකි, මන්දයත් 2වන පදයෙහි පවසා තිබෙන්නාක් මෙන්, “ස්වාමීන්වහන්සේගේ තේජසද අපේ දෙවියන්වහන්සේගේ අලංකාරකමද” දැන් වුවත් ‘දැකගැනීමට’ අපට හැකි බැවිනි. තවද එහි ප්‍රතිඵලය කුමක්ද? දහවන පදය මෙසේ පවසයි: “ස්වාමීන්වහන්සේ විසින් නිදහස්කරනලද අය ගී කියමින් සියොන්ට හැරී එන්නෝය; සදාකාල ප්‍රීතිය ඔවුන්ගේ ඉස් පිට තිබෙන්නේය. ඔව්හු ප්‍රීතිය හා සන්තෝෂය ලබන්නෝය, දුකද සුසුම්ලෑමද පලායන්නේය.” සැබවින්ම, අප බොරු ආගමෙන් ඉවත්ව දෙවියන්වහන්සේගේ අනුග්‍රහය යටතේ සැබෑ නමස්කාරය ලුහුබැඳීම ප්‍රීතිය දනවන්නක්ය.

24. යෙසායා 35:10හි ප්‍රකාශයත් සමඟ ඔබට එකඟ විය හැක්කේ මන්ද?

²⁴ යෙසායා අපට මෙසේ සහතික කරයි: “ස්වාමීන්වහන්සේ විසින් නිදහස්කරනලද අය ගී කියමින් සියොන්ට හැරී එන්නෝය; සදාකාල ප්‍රීතිය ඔවුන්ගේ ඉස් පිට තිබෙන්නේය.” එසේනම් ප්‍රීතියෙන් මොරගැසීමට අපට හේතු තිබෙන බවට අපට එකඟ විය හැක. අපේ ආත්මික පාරාදීසය තුළ යෙහෝවඃවහන්සේ ස්වකීය ජනයා උදෙසා දැනටමත් කරමින් සිටින දේ නිසාත්, අතළඟම තිබෙන සැබෑ පාරාදීසයේදී අපට අපේක්ෂා කළ හැකි දේවල් නිසාත් අපට ප්‍රීතියෙන් සිටිය හැක. ප්‍රීතිමත් අය ගැන—අප ගැන—යෙසායා මෙසේ ලියයි: “ඔව්හු ප්‍රීතිය හා සන්තෝෂය ලබන්නෝය, දුකද සුසුම්ලෑමද පලායන්නේය.”—යෙසායා 35:10.