e ලූක් 21:24ට පසු ඔහුගේ වාර්තාවේ මාරුවීමක් බොහෝ දෙනෙකුට පෙනී යයි. ආචාර්ය ලියොන් මොරිස් මෙසේ කරුණු දක්වයි: “යේසුස්වහන්සේ කථා කරන්නට යන්නේ අන්‍ය ජාතීන්ගේ කාලවල් ගැනය. . . . විශාරදයන් බොහෝ දෙනෙකුගේ මතය අනුව, දැන් අවධානය යොමු කරවන්නේ මනුෂ්‍ය පුත්‍රයාගේ පැමිණීම වෙතටයි.” මහාචාර්ය ආර්. ගින්ස් මෙසේ ලියයි: “මනුෂ්‍ය පුත්‍රයාගේ පැමිණීම—(මතෙ 24:29-31; මාක් 13:24-27). ‘අන්‍ය ජාතීන්ගේ කාලවල්’ සඳහන් කිරීම මෙම තේමාවට හැඳින්වීමක් සපයයි; [ලූක්ගේ] දෘෂ්ටිය දැන් යොමු වී ඇත්තේ යෙරුසලමේ විනාශයට ඔබ්බෙන් තිබෙන අනාගතයටය.”

f මහාචාර්ය වෝල්ටර් එල්. ලීෆෙල්ඩ් මෙසේ ලියයි: “යේසුස්වහන්සේගේ අනාවැකි, අවස්ථා දෙකකට සම්බන්ධ බවට සහතික ලෙසම නිගමනය කළ හැක: (1) දේව මාලිගාවට සම්බන්ධ ක්‍රි.ව. 70 සිදුවීම් සහ (2) වඩාත් සංකේතාත්මක යෙදුම්වලින් විස්තර කර ඇති ඈත අනාගතයේ සිදුවන සිදුවීම්.” ජෝන්. ආර්. ඩමලෝ විසින් සංස්කරණය කරන ලද විවරණයක මෙසේ පැවසේ: “මෙම ශ්‍රේෂ්ඨ අනුශාසනාවේ තේරුම් ගැනීමට වඩාත් අසීරු දේවල් බොහොමයක් අතුරුදහන් වී යන්නේ, අපගේ ස්වාමීන් ඒවා එක් සිද්ධියකට නොව නමුත් සිද්ධීන් දෙකකට යොමු දැක්වූ බව වටහා ගන්නා විටය, ඇරත් පළමුවැන්න දෙවැන්නේ රූපාකාරයක් වෙයි. . . . විශේෂයෙන් ‘අන්‍ය ජාතීන්ගේ කාලවල්’ ගැන කථා කරන [ලූක්] 21:24 පදය, . . . යෙරුසලමේ වැටීම හා ලෝකයේ අවසානය අතර අනියත කාල පරිච්ඡේදයක් සඳහන් කරයි.”