යේසුස් පොළොවේ හිටපු කාලේ මොනවාද කළේ?

යේසුස් කියන නම ඇහෙද්දී ගොඩක් අයට මතක් වෙන්නේ පුංචි බිලිඳෙක්ව, අනාගතය ගැන කියපු කෙනෙක්ව නැත්නම් දුක් විඳලා මැරුණු මනුස්සයෙක්ව. ඒත් යේසුස් කරපු දේවල්වලින් ඔහු ගැන ඊට වඩා දෙයක් අපිට ඉගෙනගන්න පුළුවන්ද? යේසුස් කරපු වැදගත් දේවල් කීපයක් ගැනයි, ඒවා ඔයාට උදව් වෙන විදිහ ගැනයි අපි මේ පාඩමෙන් බලමු.

1. යේසුස් කරපු වැදගත්ම වැඩේ මොකක්ද?

යේසුස් පොළොවේ ඉද්දී කරපු වැදගත්ම වැඩේ තමයි “දෙවියන්ගේ රාජ්‍යය ගැන ශුභාරංචිය දේශනා” කරපු එක. (ලූක් 4:43 කියවන්න.) දෙවියන් ආණ්ඩුවක් පිහිටුවනවා, ඒ ආණ්ඩුවෙන් මිනිස්සුන්ගේ ඔක්කොම ප්‍රශ්න විසඳනවා කියන ශුභාරංචිය යේසුස් මිනිස්සුන්ට කිව්වා.a මිනිස්සුන්ට සහනයක් වෙන මේ පණිවිඩය කියන්න අවුරුදු තුනහමාරක් තිස්සේ යේසුස් ගොඩක් මහන්සි වුණා.—මතෙව් 9:35.

2. යේසුස් ආශ්චර්යයන් කළේ ඇයි?

බයිබලයේ කියනවා දෙවියන් යේසුස් මාර්ගයෙන් “බලවත් ක්‍රියා, ආශ්චර්යයන් කළා” කියලා. ඒ වගේම “හුඟක් ලකුණුත් පෙන්නුවා” කියලා. (ක්‍රියා 2:22) දෙවියන්ගේ බලයේ උදව්වෙන් යේසුස් පුදුම දේවල් ගොඩක් කළා. ඔහු කුණාටුවක් නතර කළා. දහස් ගාණකට කෑම දුන්නා. අසනීප අයව සුව කළා. මැරුණු අයවත් ආයෙත් ජීවත් කළා. (මතෙව් 8:23-27; 14:15-21; මාක් 6:56; ලූක් 7:11-17) යේසුස් කරපු ඒ වගේ දේවලින් ඔහුව එවලා තියෙන්නේ දෙවියන් කියලා පැහැදිලි වුණා. ඒ වගේම ඒ ආශ්චර්යයන්වලින් පැහැදිලි වුණා අපේ හැම ප්‍රශ්නයක්ම විසඳන්න යෙහෝවා දෙවියන්ට බලය තියෙනවා කියලා.

3. යේසුස් ජීවත් වුණ විදිහෙන් අපිට ඉගෙනගන්න පුළුවන් මොනවාද?

යේසුස් හැම වෙලාවෙම යෙහෝවා දෙවියන්ට කීකරු වුණා. (යොහන් 8:29 කියවන්න.) ඔහුගේ තාත්තා ඔහුට කරන්න කියපු හැම දෙයක්ම යේසුස් ඒ විදිහටම කළා. මිනිස්සු ඔහුව නතර කරන්න හැදුවාට, ඔහුට විරුද්ධ වුණාට දෙවියන්ට කීකරු වෙන එක ඔහු නැවැත්තුවේ නැහැ. මරණය දක්වාම ඔහු එහෙම කළා. කොච්චර අමාරු දේවල්වලට මුහුණ දුන්නත් දෙවියන්ට කීකරු වෙන්න මිනිස්සුන්ට පුළුවන් කියලා යේසුස් පෙන්නුවා. ඒ විදිහට යේසුස් අපිට “ආදර්ශයක්” තිබ්බා. අපිට පුළුවන් “ඔහුගේ පිය සටහන් කිට්ටුවෙන් අනුගමනය” කරන්න.—1 පේතෘස් 2:21.

5. ජීවිතේට වටිනා පාඩම් යේසුස් කියලා දුන්නා

යේසුස් මිනිස්සුන්ට කියලා දුන්නේ දෙවියන්ගේ ආණ්ඩුව ගැන ශුභාරංචිය විතරද? නැහැ. ඔහු එදිනෙදා ජීවිතේට උදව් වෙන දේවල් ගැනත් ඉගැන්නුවා. කන්ද උඩ දේශනාව කියලා හඳුන්වන ඔහු දීපු ප්‍රසිද්ධ දේශනයේදී ඔහු උගන්නපු වටිනා පාඩම් කීපයක් ගැන බලන්න. මතෙව් 6:14, 34 සහ 7:12 කියවලා මේ ප්‍රශ්න ගැන කතා කරන්න.

• යේසුස් කියලා දුන්න වටිනා පාඩම් මොනවාද?

• අද ඉන්න මිනිස්සුන්ටත් ඒවා උදව් වෙනවා කියලා ඔයා හිතනවාද?

6. යේසුස් ආශ්චර්යයන් කළා

ගොඩක් බලවත් දේවල් කරන්න යෙහෝවා දෙවියන් යේසුස්ට බලය දුන්නා. ඒවායින් එකක් ගැන දැනගන්න මාක් 5:25-34 කියවන්න. නැත්නම් වීඩියෝ එක බලන්න. ඊටපස්සේ මේ ප්‍රශ්න ගැන කතා කරන්න.

වීඩියෝ: ‘අසනීපයෙන් හිටපු කාන්තාවක්ව සුව කළා’ (5:10)

• අසනීපෙන් හිටපු කාන්තාව විශ්වාස කළේ මොකක්ද?

• ඒ සිද්ධියෙන් ඔයාගේ හිතට ගියේ මොකක්ද?

යොහන් 5:36 කියවලා මේ ප්‍රශ්නය ගැන කතා කරන්න.

• යේසුස් කරපු ආශ්චර්යයන්වලින් ඔහු ගැන පැහැදිලි වුණේ මොකක්ද?

ඉගෙනගත්ත දේ

යේසුස් දෙවියන්ගේ ආණ්ඩුව ගැන කියලා දුන්නා. ආශ්චර්යයන් කළා. හැම වෙලේම යෙහෝවා දෙවියන්ට කීකරු වුණා.

ඔයා හිතන්නේ මොකක්ද?

• පොළොවේ හිටපු කාලේ යේසුස් කරපු වැදගත්ම වැඩේ මොකක්ද?

• යේසුස් කරපු ආශ්චර්යයන්වලින් පැහැදිලි වුණේ මොකක්ද?

• යේසුස් උගන්නපු සමහරක් වටිනා පාඩම් මොනවාද?

තව දැනගන්න

යේසුස් වැඩියෙන්ම කතා කළේ මොකක් ගැනද?

“දේවරාජ්‍යය ගැන කියන්න යේසුස් උනන්දු වුණේ ඇයි?” (2014 ඔක්තෝබර් 1 ‘මුරටැඹ’)

යේසුස් කරපු ආශ්චර්යයන් නිකම්ම ගොතපු කතා නෙමෙයි කියලා කියන්නේ ඇයි?

“යේසුස් කළ ප්‍රාතිහාර්යයන්වලින් ඔබට කුමක් ඉගෙනගත හැකිද?” (2004 ජූලි 15 ‘මුරටැඹ’)

නිතරම අනිත් අය ගැන හිතලා වැඩ කරපු යේසුස්ගේ ආදර්ශය කෙනෙක්ට උදව් වුණේ කොහොමද කියලා කියවලා බලන්න.

“මං හිතුවේ මං ගැන විතරමයි” (2014 ඔක්තෝබර් 1 ‘මුරටැඹ’)

යේසුස්ගේ ජීවිතේ වැදගත් සිදුවීම් වුණ අනුපිළිවෙළ ගැන දැනගන්න.

“යේසුස්ගේ ජීවිතයේ වැදගත් සිදුවීම්” ‘ශුද්ධ බයිබලය - නව ලොව පරිවර්තනය’ උපග්‍රන්ථය A7)