13, 14. (අ) දෙවියන් පාවුල්ට බලය දුන්නේ මොන දේවල් කරන්නද? (ආ) සීවාගේ පුතාලා කරපු වරද මොකක්ද? අදත් හුඟක් අය ඒ හා සමානව වැඩ කරන්නේ කොහොමද?

¹³ එෆීසයේ දෙවියන්ගේ පණිවිඩය දිගටම පැතිර යන්න පාවුල් මාර්ගයෙන් දෙවියන් කරපු “පුදුම කරවන බලවත් ක්‍රියා” දායක වුණා. (ක්‍රියා 19:11, 12) උදාහරණයකට පාවුල් භාවිත කළ රෙදි කෑලි හා වැඩ කරද්දී ඔහු උඩින් ඇඳපු ඇඳුම් අසනීප අය ළඟට අරන් ගියාම ඔවුන්ගේ රෝග සුව වුණා. භූතයන් වැහිලා හිටිය අයගෙන් භූතයන් පිට වෙලා ගියා.d සාතන්ගේ භූත සේනාව පරාජය කළ ඒ වගේ ආශ්චර්යවත් ක්‍රියා නිසා පාවුල් මිනිසුන් අතරේ තවත් ප්‍රසිද්ධ වුණා. ඒ ප්‍රසිද්ධිය හොඳ අතට වගේම නරක අතටත් බලපෑවා.