Tan De Loyaal na Yehovah

NA INI a ten disi, loyaalfasi na wan eigifasi di no de fu feni furu. Ma a de wan eigifasi di de fu feni na den futuboi fu a tru Gado, Yehovah. Ala di ten e pasa, a sma di de loyaal e tan horidoro èn a de sondro fu degedege na ondro tesi. Poti prakseri na a bun Kownu Hiskia. Bijbel e taki „baka en, no wan sma ben sori fu de leki en na mindri ala den kownu fu Yuda, srefi no na mindri den wan di ben de bifo en”. San ben meki taki Hiskia ben de so aparti? A ben „tan hori na Yehovah”, ala di anbegiman fu a falsi gado Molèk ben de lontu en. Iya, Hiskia, „no ben drai en baka gi [Yehovah], ma a ben tan waka na En baka, èn a ben tan hori ensrefi na den komando fu En”.—2 Kownu 18:1-6.

Na apostel Paulus ben de wan tra sma di ben tan loyaal na Yehovah. San skrifi fu a diniwroko fu en na ini den Kresten Griki Buku fu Bijbel abi wan krakti buweisi fu a loyaalfasi fu Paulus fu du wroko gi Gado nanga en heri ati. Di a ben e doro a kaba fu en libi na grontapu, Paulus ben kan taki fu ensrefi: „Mi feti a heri bun feti, mi lon a streilon te na a kaba, mi hori a bribi.”—2 Timoteus 4:7.

Hiskia nanga Paulus de heri moi eksempre gi wi! Meki a de so taki wi e waka na baka a bribi fu den ini a tan di wi e tan de loyaal na wi bigi Gado, Yehovah.—Hebrewsma 13:7.