Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • „Iya, mi wani go”
    A Waktitoren (Gi a preikiwroko) 2016 | Nr. 3
    • Wan leisi, baka di a ben furu wan watrakan nanga watra, wan owru man lon kon miti en. A taigi en: „Mi e begi yu, gi mi pikinso watra fu a watrakan fu yu.” A sani di a man aksi en no ben de wan bigi sani èn a ben aksi en na wan lespeki fasi. Rebeka ben kan si taki a man disi ben komoto na wan fara presi. Dati meki a saka en watrakan esi-esi fu en skowru èn a meki a man dringi. A no gi en pikinso watra nomo, ma a meki a dringi nofo fu a switi kowru watra. A ben si tu taki a man ben kon nanga tin kameili di ben e sidon krosibei. Ma a watrabaki no ben furu ete nanga watra fu meki den kameili dringi. Rebeka ben kan si taki a man disi di ben abi switifasi ben e luku san a ben e du èn a ben wani yepi a man so furu leki a kan. Dati meki a taki: „Mi o go teki watra gi den kameili fu yu tu, teleki den kaba dringi.”​—Genesis 24:17-19.

      Luku taki Rebeka no ben wani gi den tin kameili pikinso watra nomo, ma a ben wani gi den watra teleki den ben kaba dringi. Efu watra e kiri wan kameili, a kan dringi moro leki 95 liter watra! Efu watra ben kiri ala den tin kameili, dan Rebeka ben abi fu wroko tranga furu yuru langa. Ma soleki fa a sori, dan watra no ben e kiri den kameili so furu.a Ma a de so taki Rebeka ben sabi disi di a taki dati a ben o gi den watra? Nôno. A ben de klariklari fu wroko tranga èn fu du ala muiti fu sori switifasi gi na owru man disi. Fu taki en leti, a ben de fayafaya fu du disi. A man ben breiti taki Rebeka ben wani yepi en. A ben e luku Rebeka a heri pisi ten di a ben e lon go-kon fu teki watra nanga a watrakan fu kanti en gi den kameili.​—Genesis 24:20, 21.

      Rebeka e kanti watra gi den kameili fu a futuboi fu Abraham

      Rebeka ben e wroko tranga èn a ben abi switifasi

  • „Iya, mi wani go”
    A Waktitoren (Gi a preikiwroko) 2016 | Nr. 3
    • a A ben de mofoneti kaba. A tori no e sori taki Rebeka ben e tan omeni yuru langa na a peti. Wi no e leisi taki den sma na ososei ben e sribi kaba di a ben drai go na oso baka. Wi no e leisi tu taki wan sma ben kon luku fu san ede a ben e tan so langa.

Sranantongo buku (1978-2027)
Log Out
Log In
  • Sranantongo
  • Seni en gi wan sma
  • Settings
  • Copyright © 2026 Watch Tower Bible and Tract Society of Pennsylvania
  • Gebruiksvoorwaarden
  • Privacybeleid
  • Privacyinstellingen
  • JW.ORG
  • Log In
Seni en gi wan sma