Arki na koni

Lési Odo 1:1—2:22. „Na frede foe Jehovah” de na de foe sabi srefi. Efoe wi e teki tranga leri, dan wi no sa gi wisrefi abra na ogri makandra nanga sondari. Na den sma di e frede Jehovah, a e gi koni, di e kibri den tege ogridoeman.

◆ 1:7 — San na „a frede foe Jehovah”?

A de respeki, dipi respeki nanga wan gosontoe frede foe no meki en atibron, foedi wi e warderi en lobi boenfasi nanga switifesi. „Frede foe Jehovah” wani taki foe erken dati a de a moro Hé Kroetoeman èn na Almaktiwan, di abi na reti nanga a makti foe strafoe èn foe kiri den sma di no e gi jesi na en. A wani taki ooktoe foe dini Gado getrow, foe fertrow krinkrin ini en èn foe no wani si na ai san de ogri ini en ai. — Psalm 2:11; 115:11; Odo 8:13.

Leri gi wi: Efoe wi e frede Jehovah, dan wi sa teki na tranga leri di en Wortoe èn organisatie e gi. Efoe wi no doe disi, dan disi ben sa poti wi tapoe wán lin nanga „lawwan”, goddelowsoe sondari. Soboen,meki wi teki en lobi tranga leri. — Odo 1:7; Hebrewsma 12:6.