Edepunt foe bijbel Odo 4:1-

◆ 4:18 — Fa na „pasi foe den regtvaardikiwan” e kon moro krin?

Na leti foe na son e kon moro krin foe sensi na moesdé, te leki „a tron bigi dé”. Na a srefi fasi na jeje leti e kon moro krin gi Jehovah pipel te na ten e pasa. Te wi e kon moro krosbé na bepaalde sani di o pasa, dan wi e kisi wan moro krin ferstan foe na fasi tapoe fa Jehovah prakseri e kontroe safrisafri. Profétitori foe Gado e kon moro krin gi wi te Gado santa jeje trowe leti a tapoe èn te den kontroe ini sani san e pasa na grontapoe ofoe ini den ondrofeni foe a pipel foe Gado. Na a fasi disi a ’pasi foe den’ e kon moro krin.

Leri gi wi: Te wi e sori troe koni èn e libi ini akroederi nanga den gebod foe Gado, dan wi sa kisi kibri foe waka baka wan law libifasi di ben sa kan tjari wan biten dede kon. Den sma foe eksempre di trowe den gbod foe Gado tege seks hoeroedoe, e kisi kande siki di e kon foe seksueel kontakti, di ben kan tjari wan biten dede kon. Meki wi handri foe dat’ede ini akroederi nanga san Gado e aksi, bika dan „koni sa de wan bon foe libi” gi wi. — Odo 3:18.

Fasi foe kan sori koni

Lési Odo 5:1—9:18. Joe e sori koni te joe e tan farawe foe hoeroedoe èn joe „e prisiri nanga na oema foe joe jongoe jari”. Sébi sani den e kari di de wan tegoe sani gi Jehovah èn warskow e gi tege na kori foe wan hoeroe-oema. Na koni di e sori ensrefi leki wan persoon de na „meesterwrokoman” foe Gado. Èn „na frede foe Jehovah na a bigin foe koni”.

◆ 6:1-5 — na rai disi de kontrari na jeje foe a lobi foe gi sma sani?

Na odo disi no e meki joe lasi ati foe sori a lobi foe gi sma sani, aladi na rai e gi foe no bemoei nanga bisnis afersi, spesroetoe foe vreemde sma. Den Israëlsma ben moe jepi den brada foe den di „ben kon pôti” (Leviticus 25:35-38). Ma sonwan ben kon abi fo doe nanga speculatieve bisnistori èn den ben man foe kisi jepi na moni sé foe kisi trawan so fara foe de „borg” gi den èn e pramisi efoe a de fanowdoe foe pai den sma di den leni moni na den. Efoe wan sma ben kon ini so wan situatie, dan na ferstan rai ben de foe fri joesrefi.