Preikiman 9:5, 10 e taki: „Den dedewan no sabi notinoti . . . nowan wroko noso prakseri noso sabi noso koni de na ini Syeol, a presi pe yu e go.” San na Syeol? Dati na a grebi pe ala libisma e go te den dede. Den dedewan na ini a grebi no man du noti, den no man buweigi, den no man firi, èn den no man prakseri nowan enkri sani. A de neleki den de na ini wan dipi sribi.a Na so Bijbel e sori krin taki Gado no e teki den lobiwan fu wi di dede, so taki den kan de nanga en na ini hemel. Fu di den sma disi dede, meki den no man du noti na ini a grebi.