• „Grantangi, gi yesi na den wortu fu Yehovah”
    Yeremia e gi wi boskopu fu Gado

    • 12. San den owruman musu du son leisi fu kibri a gemeente?

      12 Furu Dyu ben weigri fu teki a yepi di Yehovah ben e gi den ibri tron baka nanga yepi fu Yeremia. Na ini a ten disi a kan de so tu taki wan sma di du wan seryusu sondu no e sori berow èn a no wani teki a yepi fu den owruman. Te dati pasa, dan den owruman musu kibri a gemeente. Iya, den musu puru a sma dati fu a gemeente, soleki fa Bijbel e sori. (1 Kor. 5:11-13; luku a faki di nen „Den ben e libi sondro wèt”, na tapu bladzijde 97.) Ma dati wani taki dati howpu no de moro gi so wan sma èn taki noiti moro Yehovah kan feni en bun? Nôno. Den Israelsma ben trangayesi Gado wan heri pisi ten. Ma toku Gado taigi den: „Mi manpikin, unu drai baka gi mi. Ma grantangi, drai kon baka na mi, dan mi o dresi unu” (Yer. 3:22).a Yehovah e gi sma di du wan sondu a kari fu drai kon na en. Iya, a e taigi den fu du dati.