Hondrohondro yari bifo, wan Bijbel profeititori ben taki pe Yesus ben o gebore: „Ai Betlehem fu Efrata, yu pikin so te, taki den no e teri yu srefi leki wan fu den foto fu Yuda. Ma na fu yu mi o teki a sma di o tron tiriman fu Israel” (Mika 5:2).b Soleki fa a sori, dan Betlehem ben de pikin tumusi fu sma teri en leki wan fu den foto fu a kontren fu Yuda. Ma a pikin dorpu disi ben o abi wan aparti grani. A pramisi Mesias, noso Krestes ben o kon fu Betlehem.​—Mateyus 2:3-6; Yohanes 7:40-42.