3. Sortu leri ini a tori fu krutu [trawan] Yeises e gi moro fara ini na Bergipreiki?

³ Aladi Yeises ben go doro nanga en Bergipreiki, a ben taki fu moro sani di kresten musu pruberi fu du. Dyaso wan de di gersi wan eenvoudig sani, ma di e krutu wan fu den moro muilek firi di wi musu wini: „Stòp fu e krutu [trawan], so taki den no krutu yu; bika nanga a krutu di yu e krutu [trawan], den sa krutu yu; èn nanga na markitiki di yu e marki [trawan] nanga en den sa marki yu. Fu san-ede dan yu e luku na pikin stro na ini yu brada ai, ma no e luku na barki na ini yu eigi ai? Ofu fa yu kan taigi yu brada ’Meki mi puru na pikin stro na ini yu ai’, te, luku! wan barki de na ini yu eigi ai? Unu Hoigriman! Puru fosi na barki fu yu eigi ai, èn dan yu sa si krin fa yu musu puru na pikin stro fu na ai fu yu brada. — Mateyus 7:1-5.

5. Fu san-ede a de tumusi moro makriki fu si den fowtu fu trawan na presi fu si di fu wi?

⁵ Ini na fosi yarihondro G. T. den Fariseiman, fu den leri ede di ben gi abra nanga mofo, ini algemeen ben lobi fu krutu trawan na wan ogri-ati fasi. Ibriwan fu den arkiman fu Yeises di ben abi na gwenti fu du dati, ben musu stòp nanga dati. A de so makriki fu si na pikin stro na ini na ai fu trawan leki fu si na barki na ini wi eigi ai — èn a de moro gorostu gi na ’mi firi’ fu wi! So leki wan sma ben taki: „Mi lobi fu suku fowtu na trawan fu di a e meki mi firi so bun!” Fu sori ibri yuru baka tapu fowtu fu trawan, kan gi wi na firi taki wi bun srefisrefi, wan firi di gersi wan yepi gi wi eigi fowtu di wi wani kibri. Ma efu a poti reti fu a fowtu de fanowdu, dan disi musu gi ini wan yeye fu safri-atifasi. Na sma di e poti fowtu na trawan reti, musu sabi alaten en eigi fowtu. — Galasia sma 6:1.

6. Efu a de so taki wi musu tyari wan krutu kon, na tapu gron fu san wi musu du dati dan, èn sortu yepi wi musu suku fu no e suku fowtu psa marki?

⁶ Yeises no ben kon fu krutu grontapu, ma fu frulusu en. Ibri strafu di a ben leisi, no ben komoto fu en ma ben abi den gron na ini den wortu di Gado ben gi en fu taki (Yohanes 12:47-50). Ibri krutubosroiti di wi e teki musu de so srefi ini akruderi nanga na Wortu fu Yehovah. Wi musu temper na libisma firi fu de tumusi esi fu krutu [trawan]. Te wi e du disi, dan wi musu aksi Yehovah yepi doronomo na ini begi: „Tan aksi, èn den sa gi yu; tan suku, èn yu sa feni; tan naki doro, èn den sa opo gi yu. Bika ala sma di e aksi, e kisi, èn ala sma di e suku, e feni, èn ala sma di e naki doro, den sa opo gi en” (Mateyus 7:7, 8). Srefi Yeises ben taki: „Mi no kan du noti fu mi srefi; so leki mi e yere, mi e krutu; èn a krutu di mi e tyari kon, de regtfardiki, bika mi no e suku mi eigi wani, ma a wani fu en di seni mi kon.” — Yohanes 5:30.