Wi kan wai pasi gi na atibron fu Gado

4, 5. San e sori taki Gado en atibron e tan tapu na ogri sistema disi?

⁴ Bijbel nanga den sani di pasa sensi libisma de na grontapu, e sori taki a sondu fu Adam meki taki na atibron fu Gado ’tan na tapu’ libisma (Yoh. 3:36). Disi de krin fu si, fu di te nanga now, nowan sma ben man wai pasi gi dede. A tiri fu Satan no ben man kibri libisma kwetikweti gi den rampu di e pasa doronomo. Boiti dati, nowan libisma tirimakti ben man gi libisma ala san den ben abi fanowdu trutru (1 Yoh. 5:19). Sobun, libisma e kisi fu du ete nanga orloku, ogridu, nanga pôtifasi.

⁷ Na apostel Paulus ben taki dati Yesus „o frulusu wi fu a bigi atibron di e kon” (1 Tes. 1:10). Te Yehovah o puru atibron tapu libisma fu a lasti leisi, dan den sondusma di no wani sori berow sa kisi pori fu têgo (2 Tes. 1:6-9). Suma sa kisi frulusu? Bijbel e taki: „A sma di e bribi na ini a Manpikin, e kisi têgo libi. A sma di no e gi yesi na a Manpikin, no sa kisi libi, ma a bigi atibron fu Gado e tan na en tapu” (Yoh. 3:36). Iya, te a grontapu disi o kisi pori, dan ala sma di de na libi èn di e sori bribi na ini Yesus nanga a lusu-paiman fu en, sa kisi kibri te Gado o puru atibron tapu libisma fu a lasti leisi.