6. Wi e gi yesi na a komando fu Gado fu preiki

Na ini a ten fu den apostel, gensman ben wani tapu den bakaman fu Yesus fu preiki. Den Kresten disi du ala san den man fu ’meki lanti gi den a reti fu preiki’ a bun nyunsu (Filipisma 1:7). Yehovah Kotoigi e du a srefi sani na ini a ten disi.a

FELEM: Wi e go na krutubangi fu kisi a reti fu preiki a bun nyunsu (2:28)

Leisi Tori fu den apostel 5:27-42 èn taki fu na aksi disi:

• Fu san ede wi no o tapu fu preiki?​—Luku vers 29, 38 nanga 39.

Yesus leri den bakaman fu en taki den ’no musu de wan pisi fu grontapu’ (Yohanes 15:19). Disi wani taki dati wi e horibaka soso gi a regering fu Yehovah. Fu eksempre, wi no e bumui na ini politiek èn wi no e go na ini a legre. Ma a no makelek fu du disi. A kan taki sma o spotu wi fu di wi no wani bumui nanga politiek. Fa wi kan sori taki wi e horibaka soso gi a regering fu Yehovah?

1. Fa tru Kresten e si den regering fu libisma?

Kresten e sori lespeki gi den tiriman. Wi e du san Yesus ben taki. Wi e „pai Grankownu san na fu Grankownu”. Dati meki wi e gi yesi na den wet fu a kondre. Wan fu den wet na taki wi musu pai belasting (Markus 12:17). Bijbel e leri taki libisma e tiri soso fu di Yehovah e gi den pasi fu du dati (Romesma 13:1). Dati wani taki dati den libisma regering no abi so furu makti leki Gado. Wi sabi taki Gado wawan nanga a Kownukondre fu en na hemel o man lusu den problema fu libisma.

2. Fa wi kan sori taki wi e horibaka soso gi a regering fu Yehovah?

Neleki Yesus wi no e bumui na ini politiek. Di den sma ben si wan fu den wondru di Yesus ben du di a ben de na grontapu, den ben wani meki a tron kownu. Ma a no ben wani (Yohanes 6:15). Fu san ede? Yesus ben taki: „Mi kownukondre no de fu a grontapu disi” (Yohanes 18:36). Wan tu fasi de fa wi leki disipel fu Yesus kan sori taki wi e horibaka gi a regering fu Yehovah. Fu eksempre, wi no e go na ini a legre. (Leisi Mika 4:3.) Wi e lespeki a fraga, ma wi no e anbegi en (1 Yohanes 5:21). Èn wi no e horibaka gi nowan politiek partèi. Disi na wan tu fasi fa wi kan sori taki wi e horibaka soso gi a regering fu Gado, dati na a Kownukondre.

SORTU TRA SANI YU KAN LERI?

3. Tru Kresten no e bumui na ini politiek èn den no e go na ini a legre

Na eksempre fu Yesus nanga den bakaman fu en e sori wi fa wi kan du dati. Leisi Romesma 13:1, 5-7 nanga 1 Petrus 2:13, 14. Baka dati prei a FELEM èn taki fu den aksi disi:

FELEM: Tru Kresten no e teki sei​—Pisi 1 (4:28)

• Fu san ede wi musu lespeki den tiriman?

• Fa wi kan sori taki wi e lespeki den?

Son leisi te tu kondre e feti, dan tra kondre e taki dati den no de na ini a feti, ma toku den e horibaka gi wan fu den tu kondre. Fa wan Kresten kan sori taki a no e teki sei? Leisi Yohanes 17:16. Baka dati prei a FELEM èn taki fu na aksi disi:

FELEM: Tru Kresten no e teki sei​—Pisi 2 (3:11)

• Fa wan Kresten kan sori taki a no e teki sei?

San yu o du efu den tiriman aksi yu fu tapu fu du wan sani di Yehovah e aksi fu yu? Leisi Tori fu den apostel 5:28, 29. Baka dati prei a FELEM èn taki fu den aksi disi:

FELEM: Tru Kresten no e teki sei​—Pisi 3 (1:18)

• Efu den tiriman aksi yu fu tapu nanga wan sani di Gado e aksi fu yu, dan na suma yu o gi yesi?

• Na ini sortu situwâsi wan Kresten no o gi yesi na den tiriman?

4. A fasi fa yu e denki èn den sani di yu e du

Leisi 1 Yohanes 5:21. Baka dati prei a FELEM èn taki fu den aksi disi:

FELEM: Tru Kresten abi deki-ati fanowdu​—Fu no teki sei na ini grontapu afersi (2:49)

• Fu san ede Ayenge no ben wani tron wan memre fu wan politiek partèi èn fu san ede a no ben wani singi gi a fraga?

• Yu denki taki a du wan koni sani?

Na ini sortu tra situwâsi wi musu sori taki wi no e teki sei? Prei a FELEM èn taki fu den aksi disi:

FELEM: San wi e leri fu a Waktitoren​—No teki sei na ini wan grontapu di prati (5:16)

• Fa yu kan sori taki yu no e teki sei te tu kondre e prei wan sport teige makandra?

• Fa wi kan sori taki wi no e teki sei awinsi den politiek man e du bun noso ogri?

• Fu san ede wi musu luku bun sortu nyunsu wi e arki noso nanga suma wi e bumui?

SAN YU LERI?

Kresten e du ala san den man fu no teki sei na ini politiek. Den no e du dati srefi na ini den ati.

Fa yu ben o piki den aksi disi?

• Fa wi musu si den regering fu libisma?

• Fu san ede wi no e bumui na ini politiek?

• Na ini sortu situwâsi a kan muilek fu no teki sei?

TRA SANI DI YU KAN LUKU

San kan miti wi te wi bosroiti fu no bumui na ini politiek?

Noiti Yehovah gowe libi wi (3:14)

San kan yepi osofamiri fu no teki sei?

No teki sei na ini grontapu afersi awinsi pe yu de (4:25)

Fu san ede wi no e si en leki wan bigi grani fu feti gi a kondre fu wi?

„Gado man du ala sani” (5:19)

Na ini na artikel disi yu o si fa yu kan sorgu taki yu no de wan pisi fu grontapu te yu musu bosroiti sortu wroko yu musu du.

„Ibri sma sa tyari en eigi lai” (A Waktitoren, 15 maart 2006)

5. Tan dini Yehovah awinsi sma e frufolgu yu

FELEM: Abi deki-ati awinsi sma e frufolgu yu (6:27)

• Fa den sma na ini a felem e gi yu deki-ati?

Leisi Tori fu den apostel 5:27-29 nanga Hebrewsma 10:24, 25. Baka te yu leisi ibri tekst, dan taki fu na aksi disi:

• Fu san ede a prenspari fu tan preiki èn fu tan go na den konmakandra awinsi lanti tapu a wroko fu wi?