▪ Paulus ben skrifi: „Gado . . . e waka na wi fesi èn a e tyari wi leki winiman na ini wan prodowaka makandra nanga Krestes. A e meki wi panya a sabi fu en leki wan switi smeri na ala presi! Bika gi Gado, wi nanga a boskopu fu Krestes na wan switi smeri. Den sma di o kisi frulusu èn den sma di o dede e smeri en tu. Gi den sma di o dede, a de wan smeri di e tyari dede kon, ma gi den sma di o kisi frulusu, a de wan smeri di e tyari libi kon.”​—2 Korentesma 2:14-16.

Den wortu „wan switi smeri fu Krestes” ben wani taki libi gi son sma èn dede gi trawan. Soleki fa wan buku e taki, dan a kan taki den wortu disi abi fu du nanga „wan gwenti di den Romesma ben abi fu bron switismeri a heri pasi pe a prodowaka ben e pasa” (The International Standard Bible Encyclopedia). „A switismeri di ben e sori taki den winiman ben wini a strei, ben e memre den strafuman taki dede ben e wakti den.”