11 “Shengatsi Jehova angaba nawe ndvodzana yami futsi shengatsi ungaphumelela bese uyayakha lendlu yaJehova Nkulunkulu wakho, njengobe akhulumile ngawe.+ 12 Shengatsi Jehova angakunika kuhlakanipha nekucondza kahle tintfo+ nakakunika emandla ekubusa ka-Israyeli kute ugcine umtsetfo waJehova Nkulunkulu wakho.+

19 Indvodzana yami Solomoni yinikete inhlitiyo lephelele*+ kute igcine imitsetfo yakho,+ tikhumbuto takho kanye netimiso takho, bese yenta tonkhe letintfo iphindze yakhe lelithempeli* lengilentele lamalungiselelo.”+

5 Jehova utsi: “Kutawufika sikhatsi lapho ngitawubeka khona indlalifa* lelungile esihlalweni sebukhosi saDavide.+ Itawuba yinkhosi,+ ibuse ngekucondza, futsi yehlulele live ngekulunga nangekungakhetsi.+