28 Ngobe neNdvodzana yemuntfu ayizange itele kutewusetjentelwa,+ kodvwa yetela kutewuba yinceku nekunikela ngekuphila kwayo kuze kube yinhlawulo yalabanyenti.”+

5 Ngobe kunaNkulunkulu munye,+ kantsi munye nemlamuli+ emkhatsini waNkulunkulu nebantfu,+ lokunguKhristu Jesu,+ 6 lowatinikela waba yinhlawulo* yabo bonkhe,*+ futsi loku kufanele kufakazwe ngako ngesikhatsi lesifanele.

13 njengobe silindzele litsemba lelimangalisako+ nekubonakaliswa lokukhatimulako kwaNkulunkulu lomkhulu nekweMsindzisi wetfu, Jesu Khristu, 14 lowatinikela ngenca yetfu+ kuze asikhulule*+ kuyo yonkhe inhlobo yebubi futsi atihlantele bantfu labayimphahla yakhe lekhetsekile, labashisekela imisebenti lemihle.+

28 naKhristu wanikelwa kanye kuphela kuze etfwale tono talabanyenti;+ nasekabonakala kwesibili utawube angaketeli kutosusa sono,* futsi utawubonwa ngulabo labamfuna ngekutimisela kuze basindziswe.+