21 Kusukela ngaleso sikhatsi, Jesu watjela bafundzi bakhe kutsi kufanele aye eJerusalema, futsi ahlupheke kakhulu lapho, ahlushwe ngemadvodza lamadzala, baphristi labakhulu kanye netati temtsetfo, futsi abulawe bese uyavuswa ngelilanga lesitsatfu.+

22 Ngesikhatsi bahlangene eGalile, Jesu watsi kubo: “INdvodzana yemuntfu itawunikelwa* kubantfu,+ 23 futsi batayibulala, kutsi ngelilanga lesitsatfu ivuswe.”+ Nabeva loko, bafundzi bakhe beva buhlungu kakhulu.

31 Waphindze wabatjela nekutsi iNdvodzana yemuntfu itawuhlupheka futsi ngeke yemukelwe ngemadvodza lamadzala, baphristi labakhulu kanye netati temtsetfo, nekutsi itawubulawa+ bese iyavuswa ngemuva kwemalanga lamatsatfu.+

44 “Walalelisiseni lamavi futsi niwakhumbule, ngobe iNdvodzana yemuntfu itawunikelwa kubantfu.”+ 45 Kodvwa bebangakucondzi loko bekakusho. Ecinisweni bekufihliwe kubo kuze bangakucondzi, futsi besaba kumbuta ngako.